Sistema de mensaxería SMS en GNU/Linux

Sistema de mensaxería SMS en GNU/Linux

http://www.mancomun.org/images/stories/modem.pngSMS Server Tools 3 é unha pasarela SMS que permite enviar e recibir mensaxes curtas a través de modems GSM ou teléfonos móbiles (ver a compatibilidade hardware).

O software pode enviar mensaxes curtas simplemente incluíndo un ficheiro co texto da mensaxe dentro dun directorio do servidor de SMS. O servidor monitoriza este directorio e envía automaticamente os novos ficheiros e almacena as mensaxes entrantes noutro directorio.

SMS Server Tools soporta mensaxes binarios (incluíndo texto en formato unicode) co cal é posible enviar mensaxes con melodías para o móbil. Tamén pode enviar unha mensaxe WAP Push a un móbil que soporte WAP/MMS.

A aplicación pode funcionar coma un servizo iniciándose automaticamente cando o sistema operativo comeza. Pódese garantir alta dispoñibilidade empregando múltiples dispositivos GSM (actualmente ata un límite de 64).

SMS Server Tools pode executar programas externos ou scripts despois de realizar algún evento como recibir unha mensaxe, enviar unha mensaxe con éxito ou cando o programa detecta un problema. Tendo estas funcionalidades pódese desenvolver software a maiores para ter interfaces gráficas máis amigables, almacenar as mensaxes en base de datos, xestionar os contactos para facer un envío masivo, empregar autorespondedores, …

SMS Server Tools traballa sobre Microsoft Windows (con CygWin) e en calquera sistema *NIX incluíndo Solaris, BSD, FreeBSD e GNU/Linux. O software precisa dun modem GSM (ou un teléfono móbil) con comandos SMS que seguen a especificación europea GSM 07.05 (=ETSI TS 300 585) e GSM 03.38 (=ETSI TS 100 900). Os comandos AT tamén están soportados. O software detecta os dispositivos conectados vía porto serie, infravermellos ou USB.

SMS Server Tools foi creado orixinalmente por Stefan Frings.

Balance do Plan de Acción 2023

1 Diciembre 2021 Informe

Plan de Software Libre 2024

1 Diciembre 2021 Informe

#IA #PlanDeAccion #EntrevistasComunidad

Tendencias
Xunta

Xunta de Galicia, Información mantenida y publicada en internet por Xunta de Galicia

Atención a la ciudadanía - Accesibilidad - Aviso legal - Mapa del portal