O Centro de Formación de openXpertya en Asturias – España convoca aos interesados ás Xornadas de Consultoría Funcional de openXpertya que terán lugar en Gijón os días 16, 17 e 18 de Xullo do 2.007. Os asistentes poden prolongar a súa formación coas Xornadas Técnicas de Parametrización que comezan o día 19 e finalizan o venres 20 de Xullo.
Os interesados poden reservar praza ou solicitar máis información no enderezo electrónico jornadas@openxpertya.com.
Nas xornadas explicaranse a maioría das funcionalidades do ERP openXpertya aplicadas aos distintos modelos de negocio nos que se vai implantar. Outros temas a tratar serán: procesos de instalación, necesidades de hardware, casos reais, novidades e funcionalidades da versión 2.0, posibilidade de utilizar distintos servidores de aplicacións ou distintas bases de datos, …
Está dispoñible na web de openXpertya o temario/programa das xornadas (para descargar o temario é preciso estar rexistrado).
