Mes: abril 2007

Dende Ousli queremos anunciar as nosas primeiras Xornadas sobre «Programación Web en Software Libre». Cremos que a importancia que segue a gañar a Web é un punto moi importante a ter en conta.

As I Xornadas de Programación Web están orientadas a programadores que se están iniciando ou que teñen coñecementos e que queren asentalos vendo novas tecnoloxías empregadas polas grandes empresas do sector por exemplo google, yahoo ou microsoft.

Estas xornadas vanse impartir na aula 3.2 do edificio politécnico da Escola Superior de Enxeñería Informática de Ourense. Os días elixidos son os venres (27 de abril, 4 de maio e 11 de maio) para que a xente que estea interesada poda vir e que as empresas galegas non teñan problemas de asistencia por motivos laborais.

O programa das Xornadas é o seguinte:

As xornadas están abertas para calquera que queira asistir.

Para todo aquel que teña interese no material será preciso inscribirse na web das Xornadas. Nela poderá atopar toda a información que precise: http://encontros.ousli.org

Xa están dispoñibles as ISO da nova versión de Linux ‘para seres humanos’: Ubuntu 7.04. Denominada co nome en clave «The Feisty Fawn», tivo unha grandísima aceptación, tanto que a web de Ubuntu está saturada, facendo imposible a descarga directa. Afortunadamente, a xente de Ubuntu-es puxo a disposición da xente un torrent para descargala comodamente, tanto a versión [[Ubuntu]] (GNOME) como [[Kubuntu]] (KDE), usando algún programa [[P2P]] como [[BitTorrent]]. 

Fonte da nova:
www.elotrolado.net

O xestor de correo Thunderbird desenvolvido pola Fundación Mozilla xa ten a súa versión 2.0 dispoñible nos repositorios oficiais. A versión 1.5 conta cunha tradución coordinada por Mancomun.org e na páxina Galician Mozdev xa comezaron os traballos para acometer a localización ao galego. Todo aquel que queira participar pode apuntarse á lista de correo desta web.

Thunderbird 2.0 conserva as súas características habituais coma o seu lector de RSS ou filtros para correo lixo e fará máis doado buscar as nosas mensaxes xa que poderemos engadir etiquetas («tags»). Deste xeito poderase traballar de forma similar a como xa é habitual noutros programas coma Flickr.

O xestor de correo da Fundación Mozilla facilita a migración de sistemas de correo coma Gmail ou .Mac. Ademais incorpora melloras nas alertas de mensaxes e na detección do phising e parches para Windows Vista. Thunderbird está dispoñible para GNU/Linux, Windows e Mac OS X.

Xa saíu a convocatoria de dúas bolsas de colaboración na UDC [pdf] para apoio e colaboración en tarefas de promoción e difusión do Software Libre.

O obxecto desta convocatoria é a adxudicación de dúas bolsas para colaborar na Oficina de Software Libre da Universidade da Coruña (OSL) nas tarefas de promoción e difusión do Software Libre aos membros da comunidade universitaria da Universidade da Coruña.

Poderán solicitar esta axuda os estudantes de 1º e 2º ciclo da Facultade de Informática da Universidade da Coruña. Valorarase que posúan coñecementos e experiencia probada no uso, programación e desenvolvemento de aplicacións en Software Libre. Así mesmo, terase en conta a súa participación en proxectos colaborativos relacionados co Software Libre.

Para ver o prego de condicións destas bolsas preme na seguinte ligazón:
Prego de condicións [pdf]

Na mentras se ultima a páxina web das próximas Xornadas de  Software Libre de GPUL (serán as sétimas e celebraranse a vindeira semana na Facultade Informática), a xente de GPUL quere anunciar que nelas haberá un ano máis o torneo de Real Time Battle, do que xa se poden consultar os detalles nesta web.

O cartel completo das xornadas pódese consultar aquí. En breve terán lista a páxina web coa inscrición…

Real Time Battle é un xogo de programación, no cal robots controlados por programas loitan entre eles. O obxectivo é destruír aos inimigos, utilizando o radar para examinar o contorno e o canón para disparar.

Visto na páxina de GPUL:
http://www.gpul.org/ 

A versión 2.2.14 do software GNU Image Manipulation Program (The GIMP) é unha versión de corrección de erros na rama 2.2 estable. As novas características están sendo desenvolvidas na rama principal da futura versión que sería a 2.4.

Polo de agora non hai dispoñibles os binarios para as distintas plataformas, só o código fonte do programa; pero espérase que pronto estean dispoñibles.

Tamén mencionar que agora mesmo a tradución do GIMP ao galego estase levando a cabo dende a aplicación ENTRANS de Mancomun.org, xa que a tradución que había até o de agora era unha tradución parcial feita por Ignacio Casal Quinteiro.

Tamén cabe recordar que o manual de usuario de GIMP acadou a versión 0.12 despois de 3 meses de revisión e que se atopa dispoñible para descarga dende a páxina web do proxecto.

Gallery é un logrado álbum de fotos baseado na Web que foi escrito usando [[PHP]]. É fácil de instalar, inclúe un asistente de configuración e xestiona usuarios coa habilidade de crear e manter os seus propios álbumes dentro da colección de álbums vía unha contorna Web intuitiva.

A xestión de fotos inclúe miniaturización automática das fotos, reescalado da imaxe, rotación, organización, captura e máis. Os álbumes poden ter permisos de lectura, escritura, e captura para cada usuario individual autenticado obtendo deste xeito un nivel de privacidade adicional.

Gallery1.5.6 está dispoñible para descarga web. Esta versión é principalmente unha versión para a resolución de erros pero tamén inclúe un par de características novas de menor importancia.

Esta nova versión 1.5.6 pódese descargar desde:
http://sf.net/project/showfiles.php?group_id=7130&package_id=7239

Se precisas máis detalles visita
http://gallery.menalto.com/gallery_1_5_6_released

Pimlico é unha suite de aplicacións para xestión de información persoal (PIM) que consume poucos recursos e que está deseñada co fin de utilizarse nos dispositivos móbiles.

Pimlico está feita con GTK+ Toolkit e Embedded Evolution Data Server, os cales proveen a esta aplicación de sólidos fundamentos.  Isto tamén permite a fácil portabilidade a varios frameworks baseados en GTK+ para móbiles tales como Maemo e OpenMoko, así como para o seu uso en PC de escritorio.

Pimlico contén catro aplicacións: Contacts, unha axenda de contactos; Dates, un calendario; Tasks, unha lista de tarefas; e Sync, unha ferramenta de sincronización…

A comunidade de Ubuntu acaba de lanzar a primeira edición da súa revista oficial, Full Circle, que por suposto é libre, de balde e descargable.

Full Circle Nº 0 inclúe a historia completa de Ubuntu, dende Warty ata Feisty; pero o seu contido principal é repasar todo o que nos depara a Ubuntu 7.04.

» Revista Full Circle