Mes: mayo 2007

Na páxina de GLUG atopamos o seguinte artigo:

O Software for Algebra and Geometry Experimentation é un conxunto de paquetes matemáticos (Maxima, Octave , GAP…) cubertos pola GPL e licenzas compatibles con ela que foron reunidos baixo dun proxecto común e aos que se lles proporciona unha interface gráfica conxunta para facilitar o seu uso.

Emprega Python como linguaxe para unir todos os diferentes programas, e tamén como linguaxe de interface para o usuario, o que fai moi doado aprender a manexalo e a facer cálculos simples con el.

É, por suposto, multiplataforma; e non soamente iso, senón que tamén pode ser executado sobre un servidor – un computador calquera – contra o que se conectan os clientes, xa que a interface gráfica é un navegador web.

Máis información na páxina orixinal da noticia en GLUG  

O máximo responsable da revisión da licenza pública xeral GPL, Eben Moglen, afirmou que os intentos de Microsoft por gañar casos de patentes contra aqueles que usan o códico aberto non chegarán a ningures e todo isto grazas ao acordo entre Novell e a propia Microsoft.

Desde Microsoft afirman que Linux infrinxe máis de 240 patentes e tentarán basearse niso para convencer os usuarios de que lles paguen por esas licenzas. Hai xa uns meses, Novell pagou un diñeiral para liberar os seus usuarios de SUSE Linux de seren atacados legalmente por motivo destes temas.

Aquí é onde reside o problema: os privilexios para non seren demandados non teñen data de caducidade, de modo que poden empregarse para indemnizar os seus posuidores tanto no día de hoxe como no vindeiro ano. Mais a versión 3 da licenza pública xeral, que se completará antes de rematar o presente ano, inclúe unha cláusula que fai que esta «exoneración» de pagar indemnizacións por licenzas sexa extensible dunha persoa a todas as demais.

A versión 3 da licenza pública xeral di o seguinte: «Se, segundo o acordado ou en conexión cunha transacción ou acordo, transmite ou propaga unha obra, e con iso inclúe unha licenza de patentes que permite a liberdade do seu uso, propagación, modificación e transmisión dunha copia específica dese traballo a calquera das partes que reciban esa obra, entón a licenza de patente que inclúe é extensible de forma automática a todos os receptores da obra cuberta e das obras que dela se derivaren».

SUSE migrará a a versión 3 da licenza pública xeral antes de que remate o ano, o cal significa que, ao ter este tipo de licenzas por parte de Microsoft, calquera que use calquera versión de Linux e que empregue a GPL estará exento de ameazas legais.

Moglen dixo que a cláusula se incluíu na GPL intencionadamente ante este tipo de situacións. «O noso obxectivo, noutras palabras, era o de engadir unha capa máis de defensa ante as agresións de patentes de Microsoft», comentou nun seminario.

Fonte:

http://es.theinquirer.net/2007/05/21/moglen_microsoft_no_tiene_nada.html

http://uk.theinquirer.net/?article=39737

As actualizacións encóntranse dispoñibles en Red Hat Network. Dende Red Hat recomendan realizar a actualización a través das ferramentas automáticas up2date.

Fonte:
http://rhn.redhat.com/errata/RHSA-2007-0347.html

Os computadores son moi potentes, teñen unhas 12 horas de autonomía de batería, fálanse mutuamente de forma automática, teñen chat de voz, poden compartir ficheiros e todo se pode facer entre eles sen a necesidade de conexión á rede. Estase a observar que, grazas a isto, os estudantes están máis involucrados en aprender do que o estaban antes. Os computadores custan actualmente 175 dólares, aínda que o proxecto calculou que o prezo podería baixar ata os 100 dólares tan axiña como se comecen a fabricar de maneira masiva. Outros países que tamén amosan moito interese polo proxecto son Arxentina, o Brasil, Costa Rica, a República Dominicana, Camboxa, Exipto, Etiopía, Libia, Nixeria, Paquistán, Rusia, Ruanda e Tailandia.

Fonte:
http://www.laflecha.net/

A Concellaría de Cultura e Deportes de Ames lanzou en colaboración coa dinamizadora da sociedade da información do Concello un DVD con software en galego. Esta recompilación, que ten por nome Ames ten lingua, contén software propietario como o parche para o galego do Windows XP e un amplo abano de programas en galego coma Mozilla Firefox, Mozilla Thunderbird ou OpenOffice.org ademais de incluír unha distribución GNU/Linux Ubuntu.

Este concello tenta promover o galego no eido das tecnoloxías da información e da comunicación co gallo do Día das Letras Galegas e o día de Internet. O DVD contén tamén unha referencia á documentación sobre GNU/Linux e ligazóns a diversos sitios de interese.  

Os mainframes que soportaban a inxente cantidade de transaccións do New York Stock Exchange estanse a remprazar por servidores de IBM con AIX e máquinas HP con GNU/Linux. No caso dos servidores p Series de IBM, usarán AIX (un UNIX de IBM). Nas outras máquinas instalouse un GNU/Linux para arquitectura x86 que non foi revelado (estan máquinas están adicadas a tarefas de FTP)…

Para o proceso de migración contrataron a unha empresa chamada Clerity que recompilou o código do mainframe para que fose executable nos novos servidores AIX. Segundo parece o aforro foi considerable.

Fontes:

http://es.theinquirer.net/2007/05/17/la_bolsa_de_nueva_york_migra_a.html http://barrapunto.com/articles/07/05/17/2342222.shtml
http://linux.slashdot.org/article.pl?sid=07/05/17/139256

Microsoft apoia ODF (Open Document Format). A compañía anunciou onte que votou para engadir ODF 1.0 á lista do Instituto Nacional de Estándares Americanos (ANSI) . O formato ODF (ODT, etc) é usado polo competidor libre de Office chamado OpenOffice que se pode descargar en galego dende esta páxina de mancomun ademais de estar soportado tamén por: KOffice e empresas da talla de: IBM, Sun, Oracle, Corel, Novell, Opera e RedHat.

Segundo declaracións do encargado de estándares e interoperabilidade de Microsoft, «Escoitamos aos nosos clientes e eles dixéronnos que querían elixir, queren interoperabilidade, queren innovación», se ben outras fontes comentan que Microsoft xa perdeu importantes contratos coa administración estadounidense por non seguir certos estándares ou non soportar formatos coma PDF o ODF …

De todos modos, Microsoft intenta engadir á lista o seu «Open XML» como formato de arquivo usado polo seu Office 2007. Outras voces como por exemplo a do vicepresidente de IBM de Software Libre e estándares abertos din «Microsoft pensa que necesitamos moitos estándares: Os estándares da industria ademais dos que eles inventan. Iso é o porqué de que queiran «elixir» se non hai elección a industria non usará o que Microsoft cree». Non é casualidade pois IBM é o máis firme opoñente dos esforzos de Microsoft por estandarizar o seu Open XML, de feito, foi o único membro do Ecma en votar en contra de usar este formato coñecido como OOXML.

Fonte:
http://www.adtmag.com/article.aspx?id=20680

Hipoiqh foi desenvolvido por un grupo de profesionais galegos que empregan para o seu desenvolvemento PHP, Apache, GNU/Linux e Firefox entre outras ferramentas libres. Coa liberación do plugin pretende acadar unha mellora continua no seu desenvolvemento.

Esta iniciativa é candidata á mellor Startup 2.0 europea, un certame orientado a premiar as webs máis innovadoras.  

A secretaria xeral de Telecomunicacións e Sociedade da Información, Pilar Rodríguez, presentou os resultados da orde durante o acto de inauguración de Mundo Internet. Na súa intervención, Pilar Rodríguez destacou a importancia da implicación de todos os sectores presentes no congreso para a construción da nova sociedade do coñecemento en Andalucía. Rodríguez sinalou o excelente resultado da nova convocatoria da orde de incentivos dirixida a fomentar o desenvolvemento de proxectos de innovación e de modernización dos concellos, nas deputacións e nas mancomunidades andaluzas.

Fontes: Barrapunto Software Libre II Conferencia Internacional Xunta de Andalucía

A Axencia Andaluza da Enerxía, en colaboración coa Dirección Xeral de Innovación e Administracións Públicas, dependente da Consellería de Innovación, Ciencia e Empresa, desenvolveu unha solución baseada en estándares abertos e en software libre que permite a edición cartográfica de liñas e de polígonos a través do web, empregando a referida ferramenta baseada no estándar WFS/T. Así, a axencia facilítalles aos usuarios a forma de realizar, actualizar e manter a cartografía base que se emprega no Inventario de Instalacións Enerxéticas Municipais (INVIEM),

A Axencia Andaluza da Enerxía conta coa aplicación INVIEM que posibilita o levantamento de puntos de luz, semáforos, centros de mando e/ou módulos de medidas, entre outros. O INVIEM dispón de información xeográfica sobre todas as instalacións enerxéticas do ámbito municipal. Esta información complétase coa xestión da facturación eléctrica que se realiza desde o programa GEFAEM e onde se salientan valores de consumos e de custos enerxéticos. A nova ferramenta de edición cartográfica supuxo unha mellora considerable, contrastada con outras tecnoloxías que se empregan na axencia, tanto no rendemento como nos custos de licenzas.

Outra das súas melloras é que para traballar con este visor tan so é necesario un navegador que pode empregar calquera persoa sen ningún tipo de requisito, que recolle a posibilidade de edición das guías de rúas dos distintos municipios que forman parte do sistema de información INVIEM. Os resultados obtidos co novo sistema formulan a migración do resto de ferramentas, actualmente con software privativo á nova arquitectura totalmente en software libre, xa que ofrece unhas prestacións moi superiores con respecto á ferramenta baseada en software privativo.

Fonte: http://www.andaluciajunta.es