jAllInOne, unha ferramenta ERP para a PEME baseada en Java

http://www.mancomun.org/images/stories/jallinone-logo.png jAllInOne é unha aplicación, baixo licenza LGPL, que proporciona funcionalidades ERP para a PEME. Esta solución inclúe a xestión de compras e vendas, almacén, actividades, producción, a xestión dos documentos, informes… cunha correcta xestión dos datos mestres garantindo a coherencia para o correcto seguimento dos procesos da organización.

O software tamén inclúe xestión de clientes, CRM. Outras características do software son a xestión de: múltiples idiomas, múltiples empresas, múltiples moedas e múltiples usuarios.

Dende a páxina do proxecto está dispoñible unha ligazón para executar a aplicación directamente dende o navegador en modo demostración (aplicación Java Web Start).

jAllInOne é unha aplicación multiplataforma que se instala nun contedor de aplicacións Java (por exemplo Tomcat), e os usuarios poden executar o software por medio dun navegador (dentro dunha applet) ou mediante Java Web Start. A aplicación traballa cos xestores de base de datos MySQL, Oracle e SQL Server. jAllInOne fai uso dos compoñentes do framework OpenSwing para ter unha interface de usuario con características máis sofisticadas. 

http://www.mancomun.org/images/stories/jallinone-aplicacion.png

Pantallazo de JallInOne

 

OpenSwing é unha suite de compoñentes gráficos avanzados baseados en Swing proporcionando características máis sofisticadas. OpenSwing tamén é un marco que proporciona un mecanismo para vincular datos entre compoñentes e modelo de datos, baseado no paradigma MVC. Os modelos de datos baséanse en Java Beans (POJOs) e intégranse con todos os compoñentes OpenSwing, tales como a parrilla ou outros compoñentes contedores de control. OpenSwing está baixo licenza LGPL.

jAllInOne e OpenSwing están dispoñibles para descarga dende sourceforge.

Balance do Plan de Acción 2023

1 Diciembre 2021 Informe

Plan de Software Libre 2024

1 Diciembre 2021 Informe

#IA #PlanDeAccion #EntrevistasComunidad

Tendencias
Xunta

Xunta de Galicia, Información mantenida y publicada en internet por Xunta de Galicia

Atención a la ciudadanía - Accesibilidad - Aviso legal - Mapa del portal