Máis de mil persoas acudirán ás xornadas de formación e convivencia sobre Software Libre “E-verano.org, unha mirada á sociedade libre” que terá lugar na Universidade Pablo de Olavide de Sevilla, do 16 ao 29 de xullo.
A iniciativa abranguerá diferentes actividades como conferencias, cursos, simposios e debates. Para alén diso, inclúe a realización do I Encontro Nacional de Software Libre, no que recoñecidos expertos do ámbito nacional e internacional informarán sobre as últimas tecnoloxías desenvolvidas baixo a filosofía do coñecemento libre e das normativas que o rexen, centrándose especialmente na actual Lei de Impulso da Sociedade da Información (LISI)…
Este encontro está organizado pola Asociación Andaluza para a Formación, a Cultura e a Solidariedade, Iniciativa Focus, e a Asociación Española de Usuarios de Software Libre, Hispalinux, coa colaboración da Universidade Pablo de Olavide, a través da Escola Politécnica Superior e a Vicerreitoría de Novas Tecnoloxías.
As xuntas de Andalucía e de Estremadura avalan estas xornadas, que ademais contan co apoio do Centro de Xestión Avanzado» (CXA) de Andalucía.
Fonte: La Flecha
Web das xornadas: e-verano.org
