Mes: mayo 2007

LINA é un proxecto que fai uso dunha máquina virtual para facer que aplicacións Linux funcionen case co 100% de prestacións noutros sistemas operativos como Windows ou MacOSX.

Xa se leva traballando neste proxecto dende fai catro anos. Estes binarios conservan o seu aspecto orixinal, co cal fai que o usuario non teña problemas de adaptación no seu uso en diferentes sistemas.

Os binarios non teñen que recompilarse, e funciona de xeito similar a [[Java]]: unha maquina virtual presente nos distintos sistemas operativos destino é a encargada de interpretar ese executable para que a aplicación funcione sen problemas.

Fonte : http://es.theinquirer.net  

LINA é unha ferramenta que permitirá desenvolver aplicacións para GNU/Linux e ter a posibilidade de empregalas noutras plataformas ( Windows e Mac OS X).

A súa liberación está prevista para o vindeiro mes de Xuño, e farase baixo unha dobre licenza (GNU General Public License Version 2 e a LINA commercial license). Estará dispoñible para varias distribucións, entre elas Ubuntu, Fedora e Open Suse

O acordo que Novell asinou con Microsoft xa foi publicado. Novell, responsábel da distribución SuSE Linux, prometera facelo público e acaba de cumprir a súa promesa, o que permitirá tamén saber se Novell está afectado pola polémica acusación de Microsoft de que GNU/Linux viola un número elevado de patentes. Porén, unha primeira lectura dos documentos revela que Novell non conseguiu os dereitos completos con respecto ás patentes de software de Microsoft; por exemplo OpenOffice e WINE están excluídas do acordo (noméanse especificamente segundo apunta infoworld).

O acordo de patentes entre ambas as compañías semella deixar claro que Novell non acepta ningunha das reivindicacións de patentes por parte de Microsoft xa que a sección 3.4 especifica «Nada neste acordo debe implicar ou constituír unha admisión por algunha das partes de que infrinxe as patentes da outra».

Novel publicou este venres os tres acordos asinados por Microsoft; baixo os termos destes acordos, Microsoft gastará centos de millóns de dólares en gastos de licenzas, vendas e mercadotecnia, en que se inclúen 240 millóns de dólares en certificados de subscrición a SuSE Linux Enterprise Server. Pola súa parte, Novell aceptou pagarlle a Microsoft unha porcentaxe dos beneficios dos produtos de código aberto que comercializa.

Algúns expertos están a estudar o acordo para procurar posíbeis violacións á nova licenza GPLv3.

Os executivos de Novell rexeitaron ser entrevistados de novo sobre o tema alegando que xa comentaran todo o necesario en novembro.

Fonte:Infoworld.com

A partir da versión 2.3, o OpenOffice incorporará o software de business
intelligence de Pentaho.

O concepto de «business intelligence» refírese ás aplicacións e
tecnoloxías usadas para recoller, ofrecer acceso e analizar datos e
información sobre o funcionamento das empresas.

Sun Microsystems, propietaria de OpenOffice.org, traballou xunto á
compañía desenvolvedora  Pentaho na creación do programa. A aplicación
permitiralles aos usuarios crear informes con contidos en OLAP e XML da base
de datos de OpenOffice.org e doutras bases afíns, foren ou non de
código aberto.

Inicialmente, o proxecto coñecíase como «JFreeReport», mais en 2005 o
concepto foi comprado por Pentaho. Desde entón, Pentaho incorporou o
deseño de “arrastrar e soltar", soporte para MDX (linguaxe usada en
diversas bases de datos e outras funcións como ferramentas baseadas en AJAX.

Cada vez máis, o software libre vai medrando canto a funcionalidade
ofrecida para as empresas, coa incorporación de ferramentas de IA a
produtos tan coñecidos como o OpenOffice; á súa vez, as empresas van
coñecendo máis
os produtos libres e a cota de mercado vai, pouco a pouco, medrando.

Ligazóns de interese:
http://www.diarioti.com/gate/n.php?id=13956
http://en.wikipedia.org/wiki/Business_intelligence
http://www.pentaho.com/products/

Nos últimos cinco anos constituíronse case 50 empresas que instalan e desenvolven programas de código aberto para a administración e multinacionais tecnolóxicas. Galicia é a comunidade española con maior proporción de empresas desta área, por riba de autonomía moito máis avanzadas en tecnoloxías como Madrid, Cataluña e o País Vasco (segundo revela o III Libro branco do software libre). As empresas creadas contan cunha media de 10 empregados e na súa maioría están constituídas por enxeñeiros en informática. O pasado xoves, varios representantes das principais firmas galegas decidiron en Santiago iniciar os trámites para constituíren a primeira Asociación Galega de Empresas de Software Libre que verá a luz nos próximos meses. Galiza queda en cuarta posición en número de empresas de software libre (44 a final de ano) superada en número por Madrid (117), Cataluña (115) e Andalucía (67). Porén, o uso do software libre é aínda reducido en toda Galicia. O emprego de software libre dáse sobre todo nas empresas de TIC (Tecnoloxías da Información e Comunicación) cun 58% de penetración segundo un estudo publicado por Industria, seguido por un 32% en educación en contrapartida das PEMES que hai un 10% segundo este estudo.

Ligazón de interese:
http://www.laopinioncoruna.es/secciones/noticia.jsp?pNumEjemplar=2406&pIdSeccion=10&pIdNoticia=108980

Ultrastar é un programa de Karaoke, clon do xogo SingStar de Sony, programado en Delphi. A semana pasada publicouse a versión 0.1.4 de UltraStar NG, unha adaptación de UltraStar a C++ que funciona sobre plataformas Linux.

O xogo xa está dispoñible para Debian e Ubuntu, e recomendado no Debian Package of the Day.

Unha característica do UltraStar é a capacidade de analizar e puntuar o teu xeito de cantar. Ademais tamén podes facer as túas propias cancións en formato mp3 e con un ficheiro de texto. Polo momento non é posible facelo no UltraStar-ng.

Dell por fin puxo á venda computadores portátiles e de sobremesa a un prezo duns 600 euros que xa se poden comprar con Ubuntu preinstalado.

Os modelos son: Dell Inspirion E1505n, en portátil con procesador Intel Core Duo T2080 a 1,73GHz, pantalla 15,4 polgadas WXGA, 512MB de RAM, 80GB de disco duro, unidade de CD/DVD, WiFi e unha tarxeta gráfica integrada Intel GMA 950. Este computador constará cun Ubuntu preinstalado $599…

Tamén está o Dell Dimension E520n, un equipo de sobremesa ao mesmo prezo que dispón de Procesador Intel Core 2 Duo E4300, pantalla de 17 polgadas, 1GB de memoria RAM, disco duro de 250GB, tarxeta gráfica nVIDIA GeForce 7300 ademais dunha unidade de CD/DVD.

O feito de vender equipos con Ubuntu preinstalado está a ser unha nova forma de fomentar que proliferen máis os fabricantes que desenvolven drivers para linux ou abran as súas especificacións para permitir a construción de drivers libres.

Cada vez máis fabricantes están a dicir que os seus equipos están soportados en Gnu/Linux como sinal de calidade e como medio de mercadotecnia, pois a marca «Linux» cada vez vende máis. Segundo parece, esta iniciativa de Dell non está exenta de polémica, pois esta empresa aplicou unha personalización aos Ubuntus que veñen instalados de fábrica, ao máis puro estilo das personalizacións típicas que veñen cos computadores de marca, facendo que as páxinas descoñecidas resolvan contra o servidor de dell que incorpora un buscador de Google do que obteñen beneficios pola publicidade que, aínda que non é do agrado de todos, sempre é posible desactivalo.

Ligazóns con máis información:

http://gizmologia.com
http://www.elpais.com

http://www.ubuntu.com

http://blog.opendns.com

Os ISP (Internet Service Provider), ou «fornecedores de servizos de Internet», son as empresas adicadas a conectar aos usuarios a Internet, e dar outras prestacións relacionadas coa rede (venda de dominios web, etc.).

ISPConfig é unha aplicación que permite a unha empresa configurar e administrar todos os servizos relacionados con este tipo de empresas. A última versión deste software é a 2.2.13 que foi publicada hai escasamente 4 días (21-05-2007).

Entre estes servizos destacan: Httpd (hosts virtuais, baseados en dominio e IP), [[FTP]], Bind, [[POP3]], [[MySQL]], Webalizer, cotas de disco, cotas de correo electrónico, límites de tráfico, enderezos IP,…

O temario é o seguinte:

Un estudo de Forrester e Unisys sobre 500 responsábeis de sistemas de

empresas de Europa e de EEUU demostra que as principais razóns polas

que as corporacións adoptan o código aberto é para reducir custos

operativos (o 62% opina isto).

Porén, Forrester insiste que o prezo non é a única razón. Os

directivos que se enquisaron resaltan outras vantaxes como a

flexibilidade do negocio, a compatibilidade cos estándares abertos, o

uso do código sen restricións e o feito de non depender dun único

provedor.

A FSF desde sempre destacou as catro liberdades do software libre (uso,

análise, distribución e modificación) como as virtudes fundamentais e

nunca o seu prezo.

Resulta evidente que calquera migración implica un custo asociado ás

tecnoloxías; no entanto, en moitos casos este custo resulta

moi barato por non depender dunha tecnoloxía que pode deixar de existir

ou que non ofrece toda a funcionalidade requirida. Os contornos con

software libre achegan a liberdade necesaria de adaptación aos

sistemas; esta flexibilidade, unida ao feito que non se necesiten

comprar licenzas en cada ampliación, son as que aumentan a

produtividade e dotan da liberdade precisa para unha correcta

escalabilidade dos sistemas.

Ligazóns:

http://www.elpais.com/articulo/tecnologia/realmente/economico/software/codigo/abierto/elpeputec/20070523elpeputec_1/Tes

http://www.fsf.org/licensing/essays

http://www.gnu.org/philosophy/

http://www.fsf.org/

As catro liberdades do software son (1) a liberdade de usar o

programa con calquera propósito, (2) a liberdade de estudalo, saber como

funciona e adaptalo ás túas necesidades, (3) a liberdade de distribuír

copias del e (4) a liberdade de mellorar o programa e facer públicas a

melloras aos demais (evidentemente cómpre o acceso ao código fonte do

programa).

Neste caso, Gartner declarou que os usuarios deben ter o dereito de

modificar e de distribuír o código fonte así como os seus traballos

sen ningún impedimento.

Nunha nota recente de investigación, os analistas de Gartner Brian

Prentice e Mark Driver declararon que algúns membros da comunidade de

código aberto estaban preocupados polo papel que os subministradores

desempeñan na subministración e no soporte deste tipo de software.

Tamén xulga que os subministradores queren redefinir cada vez

máis o significado de código aberto para o facer compatíbel, por

exemplo, co licenciamento de atribucións, o cal estabelecería que o

usuario só podería modificar e redistribuír o software se os

subministradores lle dan un certo «permiso», algo que está nunha

contradición clara co espírito do open source ao este último

permitir as catro liberdades.

Según Gartner, o actual debate entre os subministradores de código

aberto intenta reconciliar unha incompatibilidade inherente ao concepto

mesmo. A incompatibilidade non está en intentar comercializar software

libre, senón no seu modelo de negocio en contraposición coa

industria actual que está deseñada para conseguir o dominio dun único

subministrador de produtos ou de estándares de tecnoloxía.

Tamén avisa os usuarios de open source de que a incerteza que xeraron

as reclamacións dos subministradores pode facer «máis difícil» as

decisións sobre a súa subministración e arquitectura. Para non ter

este problema, Gartner suxire que os usuarios esixan unha definición

estrita do código aberto que recolla o relativo á modificación e

á redistribución de código.

Fonte:

http://www.idg.es/comunicaciones/noticia.asp?id=94158912&seccion=tecnologias

O OpenSolarisDay terá lugar este 31 de maio na Universidade Carlos III de Madrid. Organizáronse obradoiros sobre OpenSolaris e as súas novidades, onde se realizarán prácticas sobre ZFS, Dtrace, virtualización e presentarase a distribución Nexenta (GNU/OpenSolaris). Entregarase tamén un DVD con toda a documentación en castelán sobre OpenSolaris (OrangeBooks), as presentacións dos relatorios e obradoiros, modelos de comandos de OpenSolaris e o StarterKit da comunidade OpenSolaris. A inscrición para asistir ao evento organizado por Microsystems pode facerse a través do web do OpenSolarisDay.

Fonte e programa do evento:Opensolaris

Ademais do goberno norteamericano están implicados neste proxecto BMW, DaimlerChrysler, Ford, GM, Honda, Nissan, and Toyota.