Mes: Xaneiro 2008

Despois de moitos meses de desenvolvemento, por fin acaba de saír a versión 1.5 de Joomla!, un dos xestores de contidos máis usados na actualidade.

Algunhas das novidades son:

Para descargar a nova versión só tes que premer na seguinte ligazón:
Descargar Joomla! 1.5 Stable

Con esta nova versión tamén se provén as diferentes guías de instalación:

Instrucións de instalación nova para Joomla!

Instrucións de actualización desde Joomla! 1.5 RC4

Instrucións de actualización desde Joomla! 1.0.x

Nota da saída do Joomla! 1.5:
http://www.joomla.org/

A Asociación Galega de Centros de Negocio envíanos a seguinte nota de prensa: 

A Asociación Galega de Centros de Negocio fai unha decidida aposta polo Software Libre na súa saída a Internet, construíndo integramente a súa plataforma de servizos Web (portal corporativo, xestor de publicidade, reserva de salas, xestor documental…) en base tecnoloxías libres, máis concretamente utilizando a plataforma LAMP (Linux, Apache, Mysql, PHP).

Ferramentas coma Joomla, Openads, phpscheduleit ou Docman, son algunhas das aplicacións utilizadas pola asociación baseadas todas elas en licencias GNU/GPL.

A Asociación Galega de Centros de Negocio nace no ano 2000 e conta actualmente con 10 centros repartidos por toda a comunidade:

A Coruña

Centro de Negocios Finisterre

Officoruña

Celme Centro de Negocios

Santiago de Compostela

Cen Centro Empresarial

Centro Empresarial Compostela

Centro de Negocios LA ROSA 22

Centro de Negocios Santiago

Pontevedra

Centro de Negocios Pontevedra

 

Vigo

AG Centros de Negocios

PRO-OFFICE Centro de Negocios

Entre os servizos ofrecidos polos centros de negocios se atopan:

• Despachos totalmente equipados
• Salas de Formación e reunións
• Salas de Informática
• Domiciliación de Sociedades
• Secretariado e personalizada de chamadas e visitas
• Nº de teléfono exclusivo con contestación
• Recepción e expedición de correspondencia e paquetería
• Acceso a Internet de Banda Ancha
• Fotocopiadora â?? Impresora dixital
• Aire acondicionado e calefacción
• Outros servizos (Catering, azafatas, publicidade, material de oficina, reserva de billetes…)

O W3C publicou o borrador anticipado do que será a linguaxe de etiquetado para a web, HTML 5. O Grupo de Traballo de HTML está creando o HTML 5 para ser a especificación aberta, libre de dereitos de autor, para o contido e as aplicacións Web enriquecidas.

“Por suposto que o HTML é un estándar moi importante,” comentou Tim Berners-Lee, autor da primeira versión do HTML e Director do W3C. “Estou encantado de ver que a comunidade de desenvolvedores, incluíndo os fabricantes de navegadores, está traballando en conxunto para crear o mellor camiño para a Web”.

Entre as novas características inclúense APIs para debuxar gráficos bidimensionais e formas de incluír e controlar contido de son e vídeo.

gbrainy é un programa con licenza GPL2 deseñado para divertirse e manter o cerebro adestrado. Inclúe diferentes tipos de xogos como:

Está deseñado para GNOME aínda que pode executarse noutros contornos Linux. Pódese descargar o código fonte, e tamén paquetes para Debian, Ubuntu, Mandriva, Suse, Fedora e para o OLPC.

Deseñouse para ter en conta 4 tipos de usuarios:

O obxectivo é que teña o suficiente número de xogos e parámetros de configuración dos mesmos para obter os niveles de dificultade axeitados a cada un destes usuarios.

O seu desenvolvemento comezou en Agosto do ano pasado, van pola versión 0.5 e algunha das ideas que teñen previsto incluír a medio prazo son: xogos de texto, analoxías verbais, Sudoku, opción de impresión dos xogos en papel … ou portalo aos sistemas Windows e Maemo.

O equipo de desenvolvemento de drivers de código aberto para os chipsets de Intel vén de facer un chamamento á comunidade para acadar voluntarios para probar as versión beta dos drivers que vaian desenvolvendo.

O seu obxectivo é afondar na súa relación coa comunidade buscando usuarios interesados en formar parte dun novo programa de probas. A orixe deste programa é que o equipo de Intel non é capaz de cubrir todas as configuracións de hardware e polo tanto non poden reproducir e verificar algúns dos erros que lles envían.

Calquera que estea disposto a participar, será benvido e só precisa rexistrarse como membro do programa.

RKWard está aínda nunha fase de desenvolvemento inicial como se pode ver no estado do proxecto. No entanto, pódese observar que o grao de actividade é moi alto, pois no que vai de ano levan xa dúas actualizacións, un bo indicador das posibilidades que pode ter este proxecto.

Coa versión RKWard 0.5 adaptaron a interface para o novo KDE4, que vén de publicarse hai poucos días, corrixiron numerosos erros detectados e implementaron novas funcionalidades.

Fonte: KDE-Apps  

Máis información: Documentación sobre o proxecto 

MySQL Proxy é un programa que se sitúa entre o cliente e o servidor de MySQL que permite controlar, analizar e/ou transformar a comunicación. O cliente de MySQL conéctase ao proxy, en vez de ao servidor, coas credenciais usuais e o proxy actúa como un “home no medio” (Man in the middle).

• Failover: supoñamos que o servidor de base de datos â??cáeseâ?, podemos realizar unha copia ao â??vooâ? das peticións e almacenalas para o seu posterior uso.
• Análise de peticións: porque non analizar que tipo de peticións fanse comunmente dunha forma máis â??transparenteâ? sen necesidade de tocar o noso servidor de â??produciónâ?, así por exemplo analizar tempos de resposta, realizar estatísticas xerais, etc.
• Filtrado de peticións: Podemos crear un filtro de seguridade para certas peticións que non desexamos; que por exemplo certas máquinas realicen cara a MySQL, ou algún tipo de filtro de seguridade que examine peticións potencialmente perigosas (inxección de instruccións, escape á shell para executar comandos, insercións en certas táboas, …)
• Modificación: Do mesmo xeito que o filtro anterior, podemos determinar que peticións non queremos e polo tanto modificalas â??ao vooâ?. Un divertido exemplo seria filtrar unha consulta á táboa â??passwordâ? entregando un hash incorrecto, para que os potenciais atacantes se de golpes na cabeza pensando porque se estando crackeada a contrasinal non funciona.

MySQL Proxy vén co linguaxe de programación Lua embebido que se pode empregar na programación de novas funcionalidades coma por exemplo na reescritura de consultas SQL.

Están dispoñibles outros exemplos en Lua para MySQL Proxy que poden servir de base para desenvolver scripts propios:

• interceptar consultas
• reescritura de consultas
• inxección de consultas
• devolvendo un resultset
• executando comandos da shell
• loggin
• empregando o proxy sen mudar o porto

MySQL Proxy está baixo licenza GNU/GPL.

Máis información:

» Páxina do proxecto

» Titorial de MySQL Proxy

Trolltech vén de anunciar que a biblioteca Qt liberarase con licenza GPL v3. A licenza GPL v3 fará que sexa máis sinxelo e seguro, para os desenvolvedores de Software Libre, que empreguen Trolltech Qt nos seus proxectos baixo a licenza marco da Free Software Foundation. Trolltech espera que o seu movemento anime aos proxectos de Software Libre a empregar Qt e eliminar as antigas reticencias dos desenvolvedores que non vían con bos ollos a licenza de Trolltech.

O anuncio fíxose durante o evento do lanzamento do KDE 4.0, en Mountain View. Estas novas fan que a comunidade KDE se atope nun bo momento para a aparición de novas aplicacións para o contorno de escritorio grazas ás bibliotecas de Qt.

Fonte: Trolltech

O Grupo de Traballo de Multimedia Sincronizada (SYMM) publicou a Candidata a Recomendación da Linguaxe de Integración de Multimedia Sincronizada (SMIL 3.0), unha linguaxe baseada en XML que permite aos autores crear presentacións multimedia interactivas. Usando SMIL 3.0, un autor pode describir o comportamento temporal dunha presentación multimedia, asociar hiperligazóns con obxectos multimedia e describir o formato da presentación nunha pantalla. O Grupo de Traballo está construíndo un conxunto de probas que axuda a asegurar implementacións interoperables.

Polo momento é posible ir facendo probas con X-Smiles, un navegador implementado en Java que permite visualizar os ficheiros de SMIL 2.0. X-Smiles pode empregarse tanto en computadores de escritorio como en dispositivos de rede embebidos. A principal vantaxe do navegador X-Smiles é que ofrece soporte para varias especificacións relacionadas co XML.

Fluendo, empresa ubicada en Barcelona, vén de lanzar a versión 0.3.3 do Media Center Elisa. Trátase dunha solución libre multiplataforma deseñada con especial atención á xente non habituada ao manexo do computador.

Algunha das súas características son:

Nesta versión o equipo de desenvolvemento traballou arreo para remodelar completamente a interface tratando de mellorar a usabilidade mantendo ao tempo un aspecto simple e coa sofisticación das grandes aplicacións.

Ao largo de 3 meses o equipo reparou máis de 60 erros e incorporou funcionalidades como:

• Reprodución dende sitios DAAP como iTunes, Rhythmbox, etc
• Complemento para reprodución dende YouTube
• Arranque máis rápido e xestión de memoria máis eficiente
• Mellor detección dos ficheiros multimedia grazas a GStreamer …

Fonte: Web de Elisa

A “Mancomunidad de Municipios de la Costa del Sol Axarquía” adxudicou á empresa Dulman Rede, S. L. a instalación de Software Libre nuns 700 computadores de 17 municipios da comarca.

O proxecto, que foi adxudicado por 248.472 euros, foi presentado á Consejería de Innovación, Ciencia y Empresa de la Junta de Andalucía. Segundo explicou o presidente do ente mancomunado, José Domínguez Palma, o obxectivo da iniciativa é substituír o sistema operativo Windows por Linux.

O proceso durará uns dez meses e consistirá na migración de todos os datos existentes. Ademais, ofreceranse clases de formación aos operadores dos distintos concellos.

«Ademais do sistema operativo tamén se instalará un paquete de programas ofimático, o que pode supor un aforro duns 600 euros por equipo», explicou Domínguez.

Fonte: Diariosur.es