A Consellaría de Cultura, Educación e Deporte da Generalitat Valenciana lanzará, para o curso escolar 2007-2008, a nova versión LliureX 7.09, dispoñible tanto en valenciano como en castelán, que incluirá todas as funcionalidades existentes en versións anteriores. Esta nova versión está desenvolvida especialmente para o mundo educativo baseándose na Edubuntu.
A directora xeral de «Arquivos e Innovación Tecnolóxica», Sofía Bellés, explicou que se optou por esta distribución polo seu «mellor soporte de hardware» e por «dispor dun calendario coñecido de actualizacións».
Bellés explicou que «isto permitirá ter dispoñibles novas versións das aplicacións incluídas cada seis meses e actualizacións de seguridade durante un período de dezaoito meses».
A directora pensa tamén que o feito de que Lliurex estea baseado en Edubuntu, permitirá ademais colaborar coas distribucións doutras comunidades autónomas que apostaron por esta mesma distribución base. Engadiu que se trata da distribución de Software Libre «líder que máis está crecendo, incluso se poden mercar ordenadores con Ubuntu preinstalado».
