Gramps (acrónimo de Genealogical Research and Analysis Management Programming System) é un programa de análise xenealóxico desenvolvido para GNOME. Permite a xestión de datos sobre os nosos antergos e a realización de árbores familiares e informes. Está dispoñible en Linux, BSD, Solaris e Windows en fase de probas.
A facilidade de integración de datos procedentes doutras ferramentas similares é outra das vantaxes de Gramps. Foi programado en Python e usa GrapghicViz para os gráficos relacionais. Conta ademais cunha completa documentación e foros relacionados.
