A semana pasada reuníronse en Chile os ministros iberoamericanos de administracións públicas para falar sobre administración electrónica. Froito deste encontro xurdiu a Carta Iberoamericana de Gobierno Electrónico que avoga de xeito claro polo Software Libre e os estándares abertos de cara a implantar e desenvolver a administración electrónica.
Segundo o establecido na carta as administracións elixirán as tecnoloxías máis axeitadas para satisfacer as súas necesidades. Recoméndase o emprego de estándares abertos e de Software Libre por seguridade, sustentabilidade a longo prazo e para prever que o coñecemento público non sexa privatizado.
