O goberno da rexión alemana de Renania do Norte-Westfalia vén de chegar a un acordo con Novell para instalar as súas distribucións de GNU/Linux en 33 universidades do seu territorio. Deste xeito un 40% dos universitarios alemáns, máis de 800.000 estudantes, das rexións de Renania, Baviera e Turinxia terán acceso a este sistema operativo baixo o soporte de Novell.
As razóns esgrimidas polo goberno rexional para este cambio foron a redución de custos, a flexibilidade e a independencia do provedor.
