Autor: Alberto

A versión 1.3 do Google Web Toolkit acaba de saír á luz e é totalmente libre. 

Google Web Toolkit (GWT) é unha contorna de desenvolvemento feita en [[Java]] que permite escribir aplicacións en linguaxe [[Ajax]] como Google Maps ou Gmail. O código da aplicación que fagas estará escrito en Java e o compilador do GWT xerará a partir desas clases Java, o código HTML e JavaScript “lexibles” polo navegador…

A páxina do proxecto Google Web Toolkit é a seguinte: http://code.google.com/webtoolkit/  e dende ela tamén se poden acceder a diversos titoriais da aplicación, exemplos, ferramentas de terceiros, etc…

Máis información en http://code.google.com/webtoolkit/  

Acaba de saír á luz a nova versión do reprodutor multimedia VLC. VLC é multiplataforma (GNU/Linux, Mac, Windows) e reproduce case calquera formato de ficheiro multimedia sen necesidade de descargar códecs de ningún tipo.

Esta versión foi desenvolvida en base aos comentarios da xente que descargou a anterior versión (a versión anterior foi a 0.8.5 e tivo ao redor dun total de 29 millóns de descargas)…

Con esta nova versión, a 0.8.6, os desenvolvedores do proxecto quixeron ofrecer aos usuarios moitas correcións de erros, así como novas características, tales como:

Ainfogra preséntase coma un proxecto dirixido a introducir o Software Libre no mundo rural a través da difusión, formación e desenvolvemento de software destinado á xestión integral de explotacións agrarias.

O proxecto conta co cofinanciamento da Consellería de Innovación e Industria a través da Dirección Xeral de Promoción Industrial e Sociedade da Información e vaise desenvolver durante os anos 2006 e 2007. 

No que depara o futuro inmediato desenvolveranse novos manuais (Internet, comercio electrónico). Asemade tamén se vai desenvolver un software dirixido á xestión integral de explotacións agrogandeiras.

Red Hat anunciou que nos últimos meses, a compañía experimentou un forte crecemento en España con un incremento substancial do número de clientes que confían na súa tecnoloxía. Segundo Rodolfo González, director de ventas de Red Hat en España, “os clientes están a elixir Red Hat polo seu compromiso coa interoperabilidade entre plataformas e a fiabilidade da súa tecnoloxía”.

Winpooch utiliza a técnica “API hooking”. Esta técnica consiste en espreitar o software executado e ofrecer ao usuario a posibilidade de controlar dita actividade. Ten así a posibilidade de prohibir a un software escribir nas carpetas do sistema ou no rexistro de windows. Tamén pode prohibir a un software conectarse a internet. Isto é o que diferenza a Winpooch doutros antiespías, os cales, unicamente analizan os arquivos do disco duro na procura de firmas coñecidas.

ClamWin Free Antivirus ven cun fácil instalador e co código fonte. Pódese descargar e utilizar sen ningunha carga. Características:

• Alto ratio de detección de virus e spyware;
• Programador de escaneos;
• Descargas automáticas da base de datos de virus.
• Integrado co Microsoft Windows Explorer;
• Addin para Microsoft Outlook para eliminar automaticamente adxuntos infectados.

Só seis semanas despois do lanzamento da versión 2.0 definitiva de [[Firefox]], a Fundación [[Mozilla]] acaba de sacar á luz a edición alfa da versión 3.0, que leva en construción máis dun ano, e que se espera que sexa definitiva a finais do 2007.

Con este novo lanzamento, Mozilla pretende lograr que o usuario apenas distinga cando está usando aplicacións web, que se executan a través de internet, con respecto as que se executan directamente sobre o seu ordenador…

Outra das melloras de Firefox, segundo Mozilla, será unha maior compatibilidade cos distintos estándares gráficos, así como máis capacidade para facer que as páxinas web se vexan de forma similar independentemente do soporte co que se acceda a elas. Isto é debido ao novo motor Gecko (1.9) de Mozilla que  acaba de pasar o test Acid2.

O test Acid2 é un dos máis famosos tests en canto a estándares web se refire, foi creado para axudar aos desenvolvedores de navegadores á hora de seguir un estándar. Trátase dunha páxina moi complexa que usando características non moi comúns realiza unha gran cantidade de probas sobre o navegador. 

Fonte: elpais

GALPon, Grupo de Amigos de Linux de Pontevedra, organiza un taller de difusión do Software Libre para os veciños de Valadares, no concello de Vigo. Esta actividade está dividida en dous bloques: a introdución a ferramentas básicas e de grande difusión coma OpenOffice.org ou Thunderbird, e ás redes inarámicas. As actividades son de balde e teñen lugar no Centro Cultural de Valadares.

As actividades son impartidas por membros de GALPon e AGNIX.

Evento engadido á Axenda de eventos de Mancomun.org. 

PostgreSQL 8.2 é a nova versión do motor de bases de datos relacional que inclúe melloras na autentificación de usuarios, un mellor optimizador e a habilidade de crear índices incluso cando un usuario está a modificar a taboa de bases de datos.

Segundo os responsables de PostgreSQL as vantaxes principais da nova versión son: 

• Numerosas melloras do rendemento; nun 20% (fronte a versións anteriores) para o procesamento de sistemas de alta carga de transaccións.
• Un mellor soporte do estándar ANSI SQL:2003.
• Mellores tempos de ordenación en memoria e disco.
• Maior escalabilidade en sistemas multiprocesador.
• Melloras na planificación de consultas.
• Mellores velocidades de carga de datos masiva.
• Unha implementación máis rápida de outer joins.

PostgreSQL é un proxecto libre que comezou hai 21 anos na Universidade de Berkeley e distribúese baixo licenza BSD que permite a súa distribución gratuíta para aplicacións comerciais e non comerciais.  

O MIT (Massachusetts Institute of Technology) acaba de publicar o libro “Perspectives on Free and Open Source Software“, editado por varios autores (Joseph Feller, Brian Fitzgerald, Scott A. Hissam e Karim R. Lakhani).

O libro trata sobre os diferentes aspectos do Software Libre: o estado actual da revolución que provocou o  Software Libre, as perspectivas económicas, os modelos empresariais e económicos, aspectos legais, …