Autor: Alberto

XboxMediaCenter é un reprodutor multimedia baseado en Software Libre para a consola XBOX de Microsoft. Actualmente o software XboxMediaCenter (XBMC) pode reproducir videos/ver imaxes na maioría dos formatos de audio/vídeo/imaxe coma son os formatos MPEG-1/2/4, DivX, [[XviD]], MP3, AAC, JPG, GIF ademais de outros moitos formatos menos coñecidos directamente dende o lector de CD/DVD da consola ou do seu disco duro.

 

XBMC ademais tamén pode facer streaming de ficheiros dun PC sobre unha rede local de computadores e incluso directamente cara internet…

 

XBMC ten listas de reprodución e funcións de presentación e até información meteorolóxica.

 

Todas estas características permiten ao XBMC facer funcionar á XBOX coma un mediacenter real.

 

A versión actual deste software é a 2.0.1 que podes descargar dende SourceForge.

SOLES WS 1.0 é unha distribución GNU/Linux dirixida a PC de escritorio en contornas corporativas da economía social e a usuarios con calquera nivel de experiencia tanto con computadores como con GNU/Linux. Dispoñible para procesadores [[Intel]] e [[AMD]] de 32 bits, SOLES WS 1.0 ofrece un escritorio completo, estable e intuitivo que facilita o acceso a GNU/Linux e que inclúe todas as posibilidades que calquera usuario pode demandar: ofimática, Internet, multimedia, educación, lecer, etc, xunto cos máis completos sistemas de seguridade, como unha devasa persoal, un analizador de virus de Windows e un filtro de correo lixo. En definitiva, SOLES WS 1.0 combina a robustez e estabilidade de GNU/Linux, a potencia e versatilidade de [[Debian]] e a amigabilidade e usabilidade do escritorio [[KDE]]…

 

A idea parte da “Confederación de Entidades para la Economía Social de Andalucía” (CEPES-Andalucía) que, en colaboración coa Administración autonómica, desenvolveu e financiou esta nova distribución do sistema operativo libre GNU/Linux destinada a escritorios corporativos, que bautizaron como ‘SOLES‘.

O conxunto de ferramentas inclúe “sistemas creados desde cero e adaptacións de aplicacións informáticas xa existentes“, sinalou o responsable do departamento de “Investigación y Desarrollo” (I+D) de CEPES, Álvaro Gutiérrez.
 
Esta primeira edición ofrece como unha das características máis destacadas a inclusión dunha única ferramenta por cada tipo de tarefa, no canto de ofrecer centos de paquetes entre os que o usuario vese perdido, potenciando unha experiencia satisfactoria co sistema. Así mesmo, SOLES WS 1.0 ofrece un completo catálogo de aplicacións de xestión, destacando o software de xestión societaria SOLES Societaria e o ERP BulmaGés adaptado á economía social andaluza. Finalmente, a plataforma completa a súa oferta de software co núcleo 2.6.17 optimizado para escritorios, Xorg 7.0, KDE 3.5.5, OpenOffice.org 2.0 con dicionarios en español, Mozilla Firefox 1.5 e numerosos paquetes máis orientados aos usuarios corporativos, como acceso a dispositivos móbiles, correo electrónico, mensaxería instantánea, deseño gráfico ou gravación de CDs e DVDs.

 

SOLES WS 1.0 ofrece adicionalmente:

• un sistema de instalación mellorado e máis intuitivo
• o soporte e a xestión mellorada de todo tipo de hardware moderno: discos SATA, Bluetooth, Wi-Fi, modems ADSL, tarxetas aceleradoras 3D, móbiles e PDAs, tarxetas sintonizadoras de TV, etc.
• o soporte específico para portátiles: dispositivos PCMCIA, control de aforro de enerxía, xestión do touch pad, etc.
• un sistema de menús organizado e intuitivo
• un completo abano de ferramentas de administración do sistema, integradas no Centro de Control de KDE
• un completo buscador do escritorio
• un acceso sinxelo a Internet e a redes privadas virtuais
• diversos “plugins” para enriquecer a navegación pola Web
• unha maior seguridade grazas á devasa persoal, ao analizador de virus de Windows e ao filtro de correo lixo
• o soporte de execución de software para Windows a través de Wine
• asistentes que facilitan a instalación de software de licenza non libre e que non se puido incluír nos CDs de SOLES WS, como as fontes TrueType de Microsoft ou o Acrobat Reader de Adobe
• un completo sistema electrónico de axuda
• un portal web de servizos avanzados

e moitas ferramentas e aplicacións para que o usuario non bote nada en falta.

O “Libro branco del Software Libre” é un proxecto independente que analiza a implantación en España do Software Libre. Nesta, que será a súa III edición (I edición, II edición), contará coa colaboración de empresas como IBM, Sun, Red Hat, Novell, Bull, Open Bravo, Ferca Networks, etc así como institucións como Rede.es e a Junta de Extremadura xunto con outras institucións e autores…

Os resultados serán publicados libremente tanto online como no documento en papel que aparecerá en febreiro 2007.
 
A data límite para completar o cuestionario é ata o próximo 19 de decembro 2006.

Os resultados da enquisa incluiranse no III libro branco do Software Libre que se presentarán na III Conferencia Internacional de Software Libre que terá lugar do 7 ao 9 de Febreiro de 2007 en Badaxoz.

Máis información na web do proxecto ou na fonte orixinal da noticia en www.laflecha.net .

As autoridades colombianas teñen a intención de implantar nos caixeiros automáticos o Software Libre Linex-Col, desenvolvido a partir do gnuLinEx estremeño, por mor da colaboración en materia de transferencia tecnolóxica mantida durante anos entre Estremadura e este país iberoamericano.

 

O viceministro colombiano Abraham Rubio foi o encargado de comentar os pormenores desta colaboración durante a celebración do II Congreso Internacional de Alfabetización Tecnológica …

 

No devandito contexto destacou a iniciativa Linex-Col, para a cal se traballou desde diferentes ámbitos, especialmente universidade, empresas e institucións.

Entre os obxectivos próximos do proxecto Linex-Col figura a súa aplicación na banca de oportunidades; na constitución dunha plataforma virtual universitaria; e no desenvolvemento dunha canle de televisión.

Por outra banda, cabe apuntar que no marco do congreso, que se celebra en Badaxoz, ten lugar primeira experiencia piloto de expedición do DNI Electrónico en Estremadura.

Na actualidade, o cidadán que desexe obter o seu DNI electrónico e xa que logo os certificados asociados deberá acudir a unha oficina de expedición oficial. Estas oficinas están actualmente funcionando nas seguintes capitais, Burgos, Ourense, Palencia, Salamanca, Santander, Segovia, Soria, Valladolid e Zamora.

Xa que logo, para dar a coñecer esta ferramenta en Estremadura, instalouse o Palacio de Congresos Manuel Rojas unha unidade móbil de expedición.

Os congresistas que queiran obter o seu DNI Electrónico deben ter preparada a documentación necesaria, que é a mesma que para o carné de identidade convencional: Certificado de nacemento expedido polo Rexistro Civil (caso de primeira inscrición), fotografía recente en cor, Certificado de Empadroamento, e presentación do DNI anterior (en caso de renovación).

 

Fonte da noticia: www.laflecha.net