Autor: Alberto

A Consellería de Innovación e Industria publica no Diario Oficial de Galicia do día 13 de outubro a convocatoria do concurso para a creación dun portal de servizos e promoción do comercio exterior.  

Este portal terá que ter coma software de base un sistema operativo Linux, un xestor de bases de datos PostgreSQL e un servidor web Apache, ademais doutras esixencias técnicas de carácter aberto.

O concurso está valorado en 210.000 euros e o prazo de entrega de propostas remata o día 29 de outubro.

Máis información: D.O.G. , esixencias administrativas , esixencias técnicas

Eudora é un cliente de correo electrónico para as plataformas Microsoft Windows e Apple Mac OS X, así como para PDA baseadas en Palm OS.

O anuncio realizado pola empresa coincide co lanzamento das últimas versións comerciais de Eudora: a 7.1 para Windows e a 6.2.4 para Mac OS X. A partir de aquí, a próxima versión liberada xa será baixo unha licenza libre, a mediados do 2007.

Máis información:

Páxina Web de Eudora
http://www.eudora.com/

Nota de prensa da Fundación Mozilla
http://www.mozilla.com/press/mozilla-2006-10-11.html

FAQ da empresa sobre o anuncio do futuro Eudora baseado no código do Thunderbird
http://www.eudora.com/faq/

As ligazóns destas revistas son:

Revista Begins
Revista ACL
Revista Software Libre
FentLinux Magazine

A empresa coruñesa Lambdastream foi seleccionada como unha das 16 mellores empresas de nova creación. Lambdastream forma parte da selección das mellores Start-ups de España elaborada polo Foro Neotec.

O proxecto estrela de Lambdastream é o VoDKA (Video on Demand Kernel Architecture) un sistema de vídeo baixo demanda. Este sistema, recentemente vendido á federación de televisións rusa, corre sobre GNU/Linux como sistema preferente aínda que tamén funciona en Solaris e Digital UNIX. Ademais a maior parte das ferramentas de desenvolvemento, ofimática e deseño gráfico empregadas pola compañía son Software Libre.

O Foro Neotec é un evento, promovido polo Centro para o Desenvolvemento Tecnolóxico e Industrial (CDTI) do Ministerio de Industria que se celebrará o día 7 de novembro en Valencia.

A Universidade do País Vasco vén de publicar unha nova versión da súa distribución GNU/Linux, EHUX v2, que inclúe moitas melloras con respecto á anterior.

Está baseada en Ubuntu Dapper e é unha live con características de disco de rescate (testdisk, fdisk, monta a maioría dos sistemas de arquivos, etc.).

Pódese atopar unha lista dos contidos presentes na distribución EHUX na seguinte páxina web: http://www.sc.ehu.es/scwebci/EHUX/ehux.htm

Ademais, é posible descargar a nova versión de EHUX 2.

Fonte: diariolinux 

O día 19 de outubro celébranse en Lugo e Santiago dúas xornadas sobre Software Libre dirixidas ás empresas.

A de Lugo está organizada pola Sala de Innovación Tecnolóxica do Concello de Lugo e conta coa colaboración da Fundación Cel-Iniciativas por Lugo, Caixa Galicia, a Consellería de Innovación e Industria e a participación de R como socio tecnolóxico.

Os relatorios tratarán sobre ERP’s de código aberto, e-learning, monitorización de seguridade e sistemas, solucións Open Source para portais web. Estas charlas estarán impartidas por representantes de empresas galegas como Ilumax, Pexego ou Softgal. Ademais contará coa intervención de Jesús Arribi que dará a coñecer Mancomun.org, Iniciativa Galega polo Software Libre.  

Pola súa banda a asociación de Empresas Galegas Adicadas a Internet e as Novas Tecnoloxías, Eganet, celebra unha xornada sobre Software Libre orientada ás empresas TIC. Complementariamente, o venres 20 haberá un taller de introdución á instalación e administración de servidores con sistemas GNU/Linux, utilizando a distribución Debian GNU/Linux impartido por Daniel Couso de Tegnix.

Na xornada do día 19 intervirán Juantomás García, presidente de Hispalinux, Álvaro del Castillo, vicepresidente de GNOME España e responsable de proxectos libres da universidade Rey Juan Carlos, Roberto Moral, arquitecto de sistemas de Novell e o asesor da Consellería de Innovación e Industria Antonio Pérez Casas.

Tedes máis información no calendario de eventos e nos seguintes enlaces:

–Xornada de Software Libre para Empresas organizada polo Site
-Xornada de Software Libre de Eganet

Os Obradoiros Abertos que vén celebrando a xente de CompostelaWireless tódolos martes dende o mes de Xullo, veránse interrumpidos temporalmente durante os meses de Outubro e Novembro, segundo anuncian na súa web.

Concretamente cancélanse os obradoiros dos días 17, 24 e 31 de outubro e o do día 7 de novembro. Despois destas datas reanudarase a actividade previa publicación dun novo anuncio.

Organizado por Galiza Nova, patrocinado pola Concellaria da Xuventude do Concello de Vilagarcia de Arousa e coa colaboración de AGNIX e Mancomun.org desenvolveranse no auditorio de Vilagarcía e no Centro Cultural da Torre os días 27 e 28 deste mes que andamos unha charla e un obradoiro sobre Software Libre co seguinte programa:

–Charla Venres 27 de Outubro 20:30 h. Auditorio de Vilagarcía de Arousa

• Roberto Brenlla – Achegamento ao Software Libre.

–Obradoiro Sábado 28 de Outubro 12:00 h. Centro Cultural da Torre (Vilagarcía de Arousa)

• Xabier Alonso. Instalación e achegamento ao GNIX.

O labor dos voluntarios que empregaron o entrans para traducir a versión candidata ou release do OpenOffice.org 2.0.4 logrou que xa estea en galego o 100% da interface. Desde mancomun.org agradecemos de xeito especial o entusiasmo co que foi acollida esta iniciativa. Gracias a vós poderemos ter en pouco tempo a nova versión oficial do OpenOffice.org en canto sexa definitiva.

Pero aínda queda moito por facer. A localización das cadeas correspondentes ao novo contido da axuda está pendente. Cómpre lembrar que o galego é un dos poucos idiomas no mundo que dispoñen dunha axuda totalmente traducida.  

Ir ao entrans .  

Xa está á vosa disposición a charla que ofreceu Jordi Màs, coordinador xeral de Softcatalá,  no taller de localización de software que se celebrou o pasado día 29 de setembro en Santiago. No seu relatorio expuxo a experiencia de Softcatalá coa tradución de diversos proxectos  libres ao catalán a través do voluntariado.

Entrar na zona de descargas.

– Concello do Porriño, Nota de prensa 10/10/06 –

A maior party de software libre de Galicia comezará o xoves 12 ás 17:00 horas e desenvolverase ata o domingo 15 ao mediodía, con 150 ordenadores conectados en rede, conferencias, coloquios, visitas escolares, concursos e outras actividades relacionadas con GNU/Linux e os programas de código aberto. O evento está organizado por GALPón (Grupo de Amigos de Linux de Pontevedra), coa colaboración do Concello e de AGNIX (Asociación de Usuarios de GNIX).

Carlos Rodríguez, presidente de GALPón, sinala que están chegando ao límite de inscricións para participar na Linux Party, polo que anima á xente interesada a que se anote o antes posible en www.galpon.org. Agárdase a asistencia de usuarios e usuarias de toda Galicia, con presenza destacada de persoas da área de Vigo. Os asistentes poderán levar o seu ordenador de sobremesa ou portátil para ocupar unha das 150 prazas dispoñibles con conexión a Internet e rede local. Ao longo dos catro días que durará o evento celebraranse varias conferencias e mesas-coloquio, que tratarán temas de programación, uso e aproveitamento das principais ferramentas do software libre e incluso sobre astronomía. Os asistentes recibirán de forma gratuíta un cd cunha distribución completa de GNU/Linux e Open Office en galego.

Está prevista tamén a visita de dous centros de educación secundaria de Cangas e O Porriño. Raúl Francés convidou “a todas as persoas interesadas na informática a participar neste encontro, porque será unha boa ocasión para intercambiar experiencias nun ambiente de ocio e traballo”. O alcalde lembrou que “o noso Concello está implicado en potenciar o software libre polas súas posibilidades para crear redes sociais activas. Neste sentido, anunciamos que en decembro O Porriño acollerá as I Xornadas Lusófonas de Software Libre, con representantes de Galicia, Portugal e Brasil”.

Nunha entrevista publicada na páxina web de Nintendo, Satoru Iwata (presidente da compañía nipona) confirmou que por primeira vez nunha das súas consolas, [[Nintendo]] poderá seguir realizando melloras no sistema operativo a través de distintas actualizacións, ofrecendo novas características aos consumidores unha vez que xa mercaran unha Wii …

Segundo informacións anteriores, tamén se sabe que Wii terá unha variante propietaria do Kernel de Linux, aínda que como é costume de Nintendo, pouca máis información se coñece ao respecto. 

Fonte: Slashdot.

Despois dun ano de espera dende a última versión estable, [[Skype]] vén de publicar unha nova versión do seu cliente para Linux, con soporte  ALSA para o son, limpeza xeral do código de interface de usuario, un filtro máis rápido de lista de contactos e outras melloras.

Esta nova versión pódese descargar da páxina web: http://www.skype.com/download/skype/linux/

Fonte: DiarioLinux
 

Acabamos de poñer en marcha un novo servizo na web de mancomun.org ao cal se pode acceder a través da seguinte ligazón web:

http://www.mancomun.org/entrans  

Con este novo servizo queremos implicar á maior cantidade de xente posible a que colabore na tradución de Software Libre, e para iso empezamos,  poñendo á vosa disposición, as cadeas que quedan por traducir ao galego da próxima versión do OpenOffice. Unha vez teñamos estes ficheiros traducidos poderemos sacar a próxima versión do OpenOffice en galego gracias á vosa colaboración…

As cadeas do OpenOffice témolas divididas en dous ficheiros:

• Un ficheiro que contén todas as cadeas da interface do programa (menús, diálogos,etc …) sen traducir e que son unhas 320.
• Outro ficheiro que contén todas as cadeas pendentes de traducir da axuda do programa. (sobre unhas 1909 sen traducir).

Nota: É preferible tentar de rematar a tradución da interface antes que a da axuda.

Para poder empezar a traducir hai que rexistrarse como usuario dende a ligazón que aparece na marxe superior da aplicación. Unha vez rexistrado, dende mancomun.org revisaremos os datos e procederemos a habilitar as contas aos usuarios, que recibirán un correo avisándolles de que xa poden empezar a facer as traducións.

As traducións que fagan os usuarios quedarán marcadas como suxestións para aqueles usuarios con permisos/privilexios especiais (“validadores”) e que serán os que elixan a tradución máis axeitada para cada unha das cadeas. 

Á hora de rexistrarse é importante cubrir toda a información que se pide, como o perfil do usuario (lingüista, informático, outro) e máis o cadro de texto de máis información, xa que está información poderános ser útil para poder asignar os permisos/privilexios aos distintos usuarios.

Para aprender o manexo da aplicación consultade a axuda dispoñible na mesma, xa que é de vital importancia que as traducións se fagan correctamente.

Ademais é moi recomendable usar o corpus lingüístico que se usou para as anterior traducións para poder manter a coherencia na tradución entre as distintas versións, ademais de servir de base de datos de tradución. Tamén nos próximos días publicaremos a guía de estilo coa que se fixo a primeira tradución do OpenOffice.org.

Máis información sobre o servizo e sobre os ficheiros PO

Este servizo chámase Entrans (páxina oficial do proxecto en SourceForge) e é unha aplicación web que permite traballar na tradución on-line de ficheiros PO. Estos ficheiros son os que permiten que aplicacións como o [[OpenOffice]], [[Firefox]], [[Thunderbird]], [[Gaim]], etc… poidan ser traducidas aos diferentes idiomas (agradecer aos amigos da asociación CiberIrmandade da Fala que nos facilitaran a súa tradución do programa ao galego). 

Gracias pola vosa colaboración.