Autor: Alberto

Munich vén de comezar finalmente a migración dos equipos de escritorio da administración pública a GNU/Linux, un ano despois do planificado e case 3 anos despois do primeiro anuncio que fixeran das súas intencións de migrar cara o Software Libre. …

Florian Schiessl, o coordinador do proxecto de migración na cidade de Munich, dixo este Xoves nunha entrevista que “houbo varios atrasos pero agora estamos xa a movernos firmemente cara adiante”.

Os atrasos no proxecto comezaron cando o debate das patentes de software e continuaron coas negociacións coas empresas para a configuración dos sistemas e o servizo de soporte. Ademais hai que engadir unha extensión dun ano á fase piloto debido á complexidade do proxecto.

O martes pasado comezaron a migración dos primeiros 100 PC dende MS Windows e Office a GNU/Linux e OpenOffice.org. Aínda que polo momento compatibilizan o uso dos dous sistemas operativos, agardan que nos vindeiros dous anos, o uso de Windows descenda considerablemente en favor de GNU/Linux. Recoñecen que a migración completa é “pouco realista” xa que hai produtos hardware e software na administración pública que van requirir Windows e algúns, particularmente na área de publicacións, seguirán a precisar sistemas Apple.

Agardan ter migrado 200 ordenadores á contorna libre para finais deste ano. A configuración empregada baséase en Debian GNU/Linux 3.1, KDE 3.5 e OpenOffice.org 2.

Un dos maiores retos que se lles presentan é a migración dalgúns departamentos con procesos complexos. Schiessl dixo que teñen un plan deseñado para atacar estas migracións e agardan non ter problemas e antes do fin de 2008 poder ter migrado o 80% dos sistemas de escritorio.

Outro reto está relacionado coa conversión dos formatos dos produtos Microsoft aos formatos abertos. Para solventar este problema, o equipo de Limux estableceu unhas liñas de actuación. “Con OpenOffice.org, non hai problema para abrir e ler os formatos de Microsoft, e a maioría dos documentos simples non precisan ningún procesado para o seu tratamento. Mais, nalgúns casos, pode haber perdas de formato e cómpre facerlles manualmente algunha modificación para reparar ditas perdas. Neste punto é onde se aplican as liñas de actuación creadas polo equipo do proxecto.”

Fonte: LinuxWorld

Acábase de anunciar a aparición da versión 2.6.18 do kernel Linux. Entre as novidades destacan un soporte de herdanza de prioridades no espazo do usuario, unha ferramenta de depuración que valida “bloqueos”, unha nova política de aforro de enerxía en sistemas multicore, SMPnice, melloras á infraestrutura SATA, migración de páxinas sen swap e un novo control de acceso dos paquetes para SELinux chamado “semarck”.

Máis información: LinuxChanges.  

Os días 27 e 28 deste mes de setembro realizaranse as “Xornadas de Software Libre na USC”, concretamente na Escola Técnica Superior de Enxeñería.

Aulusc en colaboración con GLUG organizan estas xornadas orientadas fundamentalmente cara redes. …

As xornadas teñen unha duración de dous días e comprenden conferencias e exemplos prácticos cos que se tratarán temas como a instalación do entorno LAMP, a configuración de firewalls e pasarelas, instalación qemu e configuración de vlans, etc.

Red Hat acaba de lanzar a versión beta de Red Hat Enterprise Linux (RHEL) 5, que ten integrada no seu código a máquina virtual Xen, co obxectivo de levar ao mercado masivo os sistemas de virtualización.

Ademais de Xen, RHEL 5 inclúe un instalador mellorado, soporte para Infiniband, Kexec and Kdump, e integración smartcard.

Espérase o lanzamento definitivo do produto para o día 21 de Decembro do 2006.

Fonte: Linux Magazine

O programa céntrase en tres eixos fundamentais:

• Recursos educativos libres
• Ferramentas e software para unha educación libre
• Reutilización e mistura de recursos educativos libres

UPCnet actuou como colaborador estratéxico da universidade en todo o ciclo de vida do proxecto, dende a planificación do mesmo e a selección de Moodle fronte a outras alternativas do mercado, ata o desenvolvemento de funcionalidades adicionais, a adaptación á imaxe corporativa da UPC, a implantación e o mantemento da solución.

Atenea 4, ademais dos beneficios inherentes á plataforma Moodle , facilita a autonomía dos centros docentes na xestión dos contidos, a integración con outros sistemas de xestión da universidade, a aplicación dos criterios da Declaración de Boloña e diminúe os custes de xestión dos campus virtuais no tocante a licenzas, desenvolvemento, implantación e xestión.

Despois de teren feito dous proxectos piloto en 13 centros docentes (con 7.000 estudantes, arredor de 500 profesores e case 600 asignaturas), este mes implántase Atenea 4 de forma extensiva en toda a UPC.

Entre as principais características a destacar desta versión, atópanse:

O consorcio OASIS anunciou onte o lanzamento dun web “creado para servir como lugar de encontro oficial da comunidade e como fonte de información para o formato OpenDocument Format (ODF)”. Está patrocinado por IBM, Sun Microsystems e Intel. Segundo se pode ler no breve anuncio, anímase aos lectores a contribuír no contido.
Na web creada inclúen tamén unhas orientacións editoriais para a súa consulta previa.

O evento comezará ás 13:00h do sábado 16 de setembro no parque forestal de Beade, en Vigo.

NOTA: En caso de mal tempo buscarase un restaurante.

Precisa inscrición…

O menú constará de churrasco, pan, viño, cervexa e refrescos.
O prezo: gratuito para os socios de GALPon (ao corrente no pago das cotas) e 5 euros / persoa para os demais invitados.
Ante todo, necesitamos coñecer o volume de xente que vai participar, polo que necesitamos que vos apuntedes ANTES DO SÁBADO no wiki de GALPon.

(Edita a páxina para anotarte, se non sabes cómo, podes mandar unha mensaxe a info@galpon.org)