Autor: Alberto

[Actualización]: Finalmente o software foi retirado.

A Asociación de Produtores e Distribuidores Cinematográficos estadounidenses (MPAA), pretendía impoñer para espiar aos piratas universitarios de USA, o software “University Toolkit” baseado en Ubuntu.

Esta aplicación analiza o nivel de intercambio de arquivos nas redes educativas. Segundo parece esta ferramenta permite practicamente o control total do equipo.

Dende Ubuntu solicitaron que se fixeran públicas as modificacións do código fonte de Xubuntu, que conta con licenza GPL, e polo tanto calquera modificación do código fonte debe facerse pública.

Fonte:
http://www.theinquirer.es

A Universidade de Costa Rica é unha das primeiras institucións públicas do seu país que se anima a emprender un proxecto serio para migrar a súa plataforma tecnolóxica a Software Libre.

A migración involucrará máis de 8.000 equipos activos e atópase neste momento na súa etapa inicial. Este cambio pretende uniformar a plataforma e aforrar recursos, xa que, o gasto anual por licenzas, resulta claramente prohibitivo.

O proxecto non resulta doado pois teñen unha grande cantidade de aplicacións institucionais e pequenas aplicacións que empregan día a día. Nos casos máis extremos están recurrindo a solucións web e virtualizacións…

Elixiron coma distribución Ubuntu pola súa facilidade de uso e como sistemas xestores de base de datos tanto mysql coma postgresql.

Ligazón á nova orixinal: radarti
Web da universidade de Costa Rica

Mavscript é un software, desenvolvido en Java, para realizar cálculos sobre un documento de texto (.txt, .odt, .sxw, .html, .svg ou outros formatos de texto) devolvendo o resultado das operacións. 

Mavscript emprega un sistema de álxebra para computación, Yacas, que realiza a manipulación simbólica de expresións matemáticas. Facendo uso dun documento como modelo, cunha sintaxe propia, rastrea o documento realizando os cálculos.

O obxectivo de Mavscript non é competir coas follas de cálculo senón permitir realizar cálculos en documentos de texto onde as funcionalidades matemáticas están máis limitadas. A desvantaxe respecto das follas de cálculo é a falta de interactividade, especialmente no uso de gráficas que dependen dos resultados.

^{Mavscript procesando un documento de OpenOffice.org}

A versión 2.0 da distribución GNU/Linux do Departament d’Educació, Linkat, está dispoñible para descarga. Trátase dunha beta que como principal novidade contén un renovado programa de xestión educativa. 

A versión 2.0 inclúe ademais o 3D Compiz, o sistema de virtualización XEN, o software de monitorización de aulas ITALC e outras aplicacións educativas. 

Web de LinKat

ChronoJump vén de gañar a edición deste ano do “Les Trophées du Libre“, concurso que, desde 2003, intenta promover proxectos innovadores dentro do Software Libre.

ChronoJump é un completo sistema multiplataforma para a medición, xestión e estatística das fases temporais do salto e outras accións. Chrono Jump sérvese dunha plataforma de contactos con dous eventos (na plataforma e fóra da plataforma) e dun circuíto impreso cronometrador deseñado ad-hoc para obter medicións precisas e fiables. ChronoJump pode ser usado tamén para o cronometrado de carreiras incluso con intervalos, tempos de reacción e ritmos…

ChronoJump permite rexistrar calquera salto coas repeticións que se desexe, iniciando desde dentro ou fóra da plataforma, rexistrando independentemente tempos de contacto e tempos de voo, así como a carga extra, altura da caída, limitación por saltos ou tempo e descricións de técnica.

Para albergar a información, ChronoJump usa unha pequena base de datos Sqlite que lle proporciona a capacidade de vincular saltos a suxeitos e sesións, e realizar todo tipo de comparacións entre estas entidades.

O software é GPL e multiplataforma e está programado en C# usando Mono

Máis información na páxina do proxecto:
http://www.gnome.org/projects/chronojump/index_es.html

OS2World.com xunto con Netlabs.org enviaron unha segunda carta a IBM solicitando a liberación de OS/2.

Hai dous anos que tivo lugar a primeira petición, que contou con máis de 10.000 firmas, aínda que non tivo moito éxito. Desta vez solicítase especificamente a liberación do código do kernel, SOM e Workplace Shell.

Fonte:
http://softlibre.barrapunto.com

Phatch é un software para procesado en lotes de imaxes que pode manexar os principais formatos. Conta cunha interface gráfica amigable que permite definir as accións que se van a levar a cabo sobre as imaxes. Phatch pode escalar, rotar, renomear, duplicar a xerarquía de cartafoles, … O aplicativo foi desenvolvido en Python sendo deste xeito multiplataforma. Phatch soportará nun futuro unha versión en modo consola moi útil en contornos de servidores web.

Características:

Phatch soporta múltiples formatos de imaxe:

• Lectura e escritura: bmp, dib, gif, jpe, jpeg, jpg, im, msp, pcx, png, pbm, pgm,ppm,tif,tiff,xbm
• Só lectura: cur,dcx,fli,flc,fpx, gbr,gd,ico,imt,mic,mcidas,pcd, psd,bw,rgb,cmyk,sun,tga,xpm
• Só escritura: eps,ps,pdf

Phatch foi desenvolvido co editor SPE baixo Ubuntu (GNU/Linux), pero traballa sobre MS Windows e Mac Os X. Si se dispón de coñecementos de programación en Python pódense escribir complementos propios para Phatch facendo uso da biblioteca de imaxen Python(PIL, Python Image Library). Phatch está baixo licenza GPLv3.

Instalación da versión do repositorio de bazaar en Launchpad:

$sudo apt-get install bzr python-wxgtk2.8 python-imaging

$bzr branch lp:phatch

Para executar Phatch facer dobre click phatch.py dentro da carpeta dev/phatch folder, ou:

$cd dev/phatch

$python phatch.py

LPI (Linux Professional Institute), o principal ente certificador de Linux a nivel mundial, estará presente en Hispalinux co seu propio stand e unha oferta de exames cun desconto do 50% respecto á tarifa habitual.

LPI é unha organización sen ánimo de lucro, independente de calquera distribución e comprometa coa promoción das habilidades OpenSource en todo o mundo: presencia en 40 países, 150.000 exames e 47.000 certificacións.

Durante os días 15 e 16 de decembro realizaranse os exames para a obtención das certificacións LPIC-1 e LPIC-2. O esquema de datas e horarios é o seguinte…

• Sábado 15

  1. LPI-101 ás 10:00

  2. LPI-102 ás 12:00

  3. LPI-201 ás 16:00

  4. LPI-202 ás 18:00

• Domingo, 16

  1. LPI-101 ás 10:00

  2. LPI-102 ás 12:00

O prezo de cada exame é de 70 €.

Para a realizacións dos exames hai que obter previamente a ID de LPI, que se consegue a través da web oficial:
http://www.lpi.org/en/register.html

Unha vez obtida a LPI ID, realizarase unha preinscrición mediante un correo electrónico a info@lpi.org.es.

Máis información na páxina de Hispalinux:
http://congreso.hispalinux.es/?p=38

Corea do Norte e Corea do Sur colaborarán para crear unha versión de Linux chamado Hana Linux. Tamén se acordou potenciar proxectos como OpenOffice.org e a localización e desenvolvemento de software en coreano do que se poda beneficiar ambos países e os falantes de coreano residentes en china.

Estes acordos foron tomados no marco dun foro de colaboración tecnolóxica entre as dúas Coreas e China e naceron a proposta de Hee-Tak Moon, presidente da Asociación de Código Aberto de Corea. A partir desta conferencia crearase un grupo de expertos que estudiarán como levar a cabo as propostas e, en poucos meses, terá lugar unha conferencia internacional en Pyonyang. 

Fonte: ETNEWS