Autor: Alberto

Segundo José Marchesi, fundador do proxecto de recente creación GNU PDF e fundador en 1999 de GNU España, existen moitas características que non están dispoñibles nas aplicacións libres que visualizan e editan PDF.

Para Marchesi existen dous motivos polos que é urxente darlle un soporte completo ao PDF, un é técnico e outro político.

O motivo técnico é debido a gran cantidade de funcionalidades que non están dispoñibles ou están incompletas:

• A xestión de contidos embebidos (sons e películas).

• A execución de JavaScript para mellorar a validación de formularios.

• 3-D artwork.

• Xestión de coleccións de documentos.

• E outros máis.

O outro motivo baséase en que ao Proxecto GNU gustaríalle ver completamente implementado o estándar para PDF ISO 32000. A pesar de que o PDF é moi empregado en ambientes académicos e corporativos, todas as aplicacións que proveñen dos niveis máis altos de soporte para o estándar ISO son propietarias. O que implica que, se non hai un esforzo coordinado, os usuarios de Software Libre poden ser deixados de lado…

Como primeiro obxectivo, que fixan dende GNU PDF, é escribir unha librería en linguaxe C para que sexa empregado polos consumidores de PDF e polas aplicacións. A intención é que esta librería sexa similar á Adobe PDF Library.

O paso seguinte é a creación dunha aplicación que xa foi denominada GNU Juggler. GNU Juggler será un visor e editor especializado de PDF.
 

Fonte:
http://www.linux.com/feature/122195

A empresa báltica Ideelabor está en conversas co Goberno de Estonia para combinar a tecnoloxía de OpenID (un sistema de identificación aberto) coa tarxeta intelixente de identificación nacional. De se levar a cabo, Estonia sería o primeiro país en contar cun sistema de identificación baseado en OpenID.

Un dos fundadores da empresa Ideelabor, Martin Paljak, declarou que a empresa agarda que os primeiros servizos baseados nesta combinación estean dispoñíbeis en xaneiro do próximo ano. Segundo as súas palabras, “Partes do goberno de Estonia desexan poder empregar as características de OpenID. Agardamos que este entusiasmo faga que o goberno nos axude a pór en marcha esta solución e así poder utilizala como un servizo público”.

Ideelabor tamén está a considerar a súa idea para servizos comerciais, así como ofrecer os servizos básicos de forma gratuíta e outras partes logo do pagamento.

Os meses anteriores, esta empresa construíu un servizo web que permite aos sitios que son compatibles co OpenID acceder á tarxeta de identificación de Estonia mentres que o usuario mantén os seus datos en privado.

Ligazón orixinal: idabc
Sistema OpenID: openid

Realizáronse axustes nas armas e engadiuse unha nova, o lanzachamas, co que poderemos facer unhas boas grelladas. Para rematar, e aínda en modo experimental, engadiuse un xerador de mapas aleatorios.

Fonte: Linuxjuegos.com  

Para conseguir isto, o servizo divídese nas seguintes fases:

• Consultoría previa á migración: que migrar?, como facelo?, cara onde?, cando?.
• Plano de migración. Esquema das etapas de migración que se levarán a cabo.
• Implantación. Execución do plano de migración.
• Soporte telefónico post migración.
• Formación. Curso de formación a nivel usuario

A través da consultoría previa é posible comprender e clarificar os obxectivos de negocio e os requirimentos técnicos, identificar e documentar requirimentos e riscos funcionais e non funcionais, discutir as alternativas de migración, analizando pros y contras… Esta análise detallada realízase sempre a carón dos usuarios involucrados nos procesos das áreas de migración e deste xeito defínese o alcance da migración para a creación do Plano de migración.

Durante esta fase defínense tamén áreas de criticidade para a adopción de tecnoloxías Open Source e tense presente en todo momento a necesidade de manter as funcionalidades e niveis de seguridade actuais.

O obxectivo é facer unha migración planificada de xeito que poida ter éxito e minimice as posibilidades de fracaso ou frustración por unha mala estimación do impacto da mesma.

O prezo deste servizo pode variar dependendo das características da empresa pero estímase que para por exemplo 50 estacións rondaría os 2600 $ máis taxas.

 Xa concluíu o prazo de inscrición de proxectos do I Concurso Universitario de Software Libre de Castilla La Mancha que promove o desenvolvemento de Software Libre nas universidades da comunidade manchega. Os premios varían dos 8.000 aos mil euros e buscan fomentar a creación de profesionais especializados en Software Libre.

Este concurso atópase ligado ao II Concurso Universitario de SL (CUSL) na súa modalidade local.

Fonte: Páxina do Cesclam

FreeLIMS é un xestor open source (Sistema Xestor de Información para Laboratorios). É unha solución cliente/servidor que pode traballar en modo multiusuario. Ten licenza GNU/GPL e está escrito en [[JAVA]]. Pode funcionar contra diferentes sistemas xestores de bases de datos, como [[Mysql]], [[Oracle]] ou SQL-Server. Permite conectarse a sistemas [[ERP]]. A maiores ten a posibilidade de personalizar o idioma, posto que soamente hai que engadir unha nova táboa á base de datos.

A última versión 0.9.9 está dispoñible para a descarga dende sourceforge.net.

Entre algunhas das súas características están:

•     xestionar as mostras
•     crear tipos de mostras con métodos e parámetros
•     xerar facilmente informes e certificados
•     xestionar instrumentación
•     control de usuarios

Páxina do proxecto:
http://www.freelims.com/

Youri Alkalay, o presidente do Departamento de Goberno Electrónico do Ministerio de Estado e Administración, declarou que o goberno búlgaro comezará proxectos piloto con Software Libre.

«Estamos a estudar seriamente iniciativas en varias administracións locais para introducir aplicacións de software libre» declarou Youri Alkalay nunha entrevista para a revista Computerworld. Os proxectos pilotos, que comezarán en 2008, servirán para observar canto mellorou o software libre nos últimos anos.

Alkalay declarou a Computerworld que a falta de soporte, a migración dos datos e a falta de persoal cualificado foron os motivos que impediron que estas probas piloto se levasen a cabo antes.

O ministerio comezará por organizar unha reunión acerca dos proxectos piloto aberta a todos os representantes do goberno, as compañías que traballen con software libre e os membros da comunidade Open Source. Estes proxectos piloto seleccionaranse segundo as presentacións dadas durante a conferencia…

Moi poucos administradores de sistemas de Bulgaria teñen experiencia co software libre. O seu uso por parte dos concellos das cidades de Kardjali e Mezdra (dous coñecidos exemplos) resultan aínda insuficientes para a política nacional. Alkalay tamén declarou que lle gustaría unha migración completa, incluíndo equipos de escritorio.

Ligazón orixinal: idabc

FileZilla Server é un programa aparte. É un servidor FTP desenvolvido como parte do mesmo proxecto, que funciona baixo Windows.

Comezou sendo un proxecto de clase de informática en xaneiro de 2001 de Tim Kosse e dous compañeiros de clase. A versión alfa foi lanzada a finais de febreiro de 2001, e todas as características requiridas incorporáronse na beta 2.1.

Existe unha versión portátil de FileZilla que pode ser transportada e usada directamente desde unha memoria USB sen necesidade de instalarse no computador.

Páxina proxecto: Filezilla

Páxina de descarga: Descarga
 

A Área de E-learning do Centro de Supercomputación de Galicia (CESGA) vai participar nas xornadas sobre “Plataformas web de Software Libre para organizacións da sociedade civil” que organiza a Vicerreitoría de Coordinación do Campus de Lugo, a Aula TIC Pemes da Universidade de Santiago de Compostela e a Concellería de Servizos Xerais do Concello de Lugo.

Deste xeito, a Área de E-learning do Cesga impartirá o vindeiro venres 30 de novembro un taller sobre a utilización do sistema de xestión da aprendizaxe Dokeos.

Estas xornadas, dirixidas a organizacións da sociedade civil, teñen como obxectivo amosar ás organizacións das sociedade civil unha ampla variedade de plataformas web de código aberto de utilidade para:

• A presenza na rede e difusión de actividades,

• A xestión da aprendizaxe e do coñecemento,

• A creación de secretarías virtuais e

• A organización de e-comunidades sociais.

Estas xornadas vanse celebrar os días 29 e 30 de novembro así como o 1 de decembro no Campus de Lugo…

Para máis información dirixirse ao correo electrónico atpemes@usc.es ou ao teléfono 982285900 Ext. 24471 da Aula TIC Pemes da USC.

Fonte:
http://weblog.cesga.es

Evento engadido á Axenda de eventos de Mancomun.org.

Dende Canonical Ltd. anunciaron un novo servizo de desenvolvemento colaborativo para Ubuntu. O novo servizo Launchpad Personal Package Archive(PPA) permite aos grupos colaborar en paquetes e permitir aos desenvolvedores individuais publicar as suas propias versións do software Open Source.

Ademais, e segundo Canonical, PPA conectará directamente aos desenvolvedores cos usuarios, que poderán instalar os paquetes facendo tan só unha actualización do sistema…

Fonte:
http://vivalinux.com.ar/eventos/launchpad-personal-package-archive.html

O Consello de Ministros, o órgano de decisión máis importante do Consello Europeo, recoméndalles aos seus membros o fomento da diversidade nos sistemas para o que se debe combinar o Software Libre co privativo.

Nunha declaración da semana pasada, publicáronse as recomendacións e medidas para incrementar o valor do servizo público da Internet. Os membros do consello «deben desenvolver estratexias que promocionaren un crecemento económico substancial a través dunhas estruturas de mercado competitivas co fin de estimularen o investimento en recursos críticos da Internet». Asegurar a diversidade do software incluíndo o Software Libre debe ser unha parte destas estratexias…

O consello tamén recomenda que os membros aseguren as súas políticas en telecomunicacións, transmisións e Internet para obrigar a que estes sistemas sexan tamén interoperábeis.

As recomendacións fixéronse públicas unha semana antes no segundo «Internet Governance Forum» que tivo lugar na cidade brasileira de Rio de Janeiro, en que se insistiu que os países deben asegurar que os servizos da Internet sexan accesibles, asequibles, seguros, confiables e teren continuidade no tempo.