Autor: Alberto

Hermes é un proxecto do LUG coruñés GPUL co obxectivo principal de levar Software Libre a calquera lugar onde é necesitado pero non hai ancho de banda suficiente como para descargalo. Os seus destinatarios son países onde a banda larga non existe, é demasiado cara, ou a compra das distribucións no extranxeiro é prohibitiva para o usuario/programador medio.

Páxina do Proxecto Hermes.

Ainfogra preséntase coma un proxecto dirixido a introducir o Software Libre no mundo rural a través da difusión, formación e desenvolvemento de software destinado á xestión integral de explotacións agrarias.” O proxecto conta co cofinanciamento da Consellería de Innovación e Industria a través da Dirección Xeral de Promoción Industrial e Sociedade da Información.
 
Este proxecto vén de publicar os seus resultados que se resumen en:

• Creación do Software de Xestión Integral de Explotacións AgroGandeiras – Ainfovac:
  Nos obxectivos do proxecto estaban a creación de Software Libre adaptado ao eido rural, e nesa liña presentan AinfoVac, un software de xestión integral de Explotacións Agrogandeiras baixo licencia GNU/GPL, e polo tanto libre e totalmente gratuíto.
  Dende a páxina web do proxecto pódese acceder as instrucións de instalación desta aplicación así como a documentación da mesma.
• Manuais formativos (hardware, Ubuntu, OpenOffice.org, Ainfovac, etc)
• Videotitoriais Ainfovac
• …

Ademais durante o ano 2006 e 2007 formouse e estase a formar a 50 profesionais e futuros profesionais do sector AgroGandeiro no uso e manexo de Sistemas Operativos Libres até a xestión integral da empresa agrogandeira a través do software de xestión AinfoVac.

Máis información na páxina do proxecto:
http://www.ainfogra.com

O uso do software libre vén a ser parte do currículo escolar das escolas de primaria turcas. O Ministerio de Educación desenvolveu un curso para ensinarlles aos estudantes o uso deste paquete informático.

Esta adaptación forma parte do plano de 58 millóns de euros para “Reforzar a educación profesional do sistema educativo”. Todos os PC empregados nas aulas en Turquia empregarán GNU/Linux e Windows e terán un cargador de arranque para elixir que sistema operativo cargar ao comezo.

O ministerio de educación comezou a enviar cedés que conteñen o software necesario, entre o que salienta unha versión adaptada da distribución turca de GNU/Linux Pardus.

O curso de software libre está dividido en tres partes. Un estudante que complete as tres, idealmente, será capaz de instalar Pardus GNU/Linux nun ordenador, administrar os seus compoñentes básicos, configurar unha conexión a internet, administrar os usuarios, instalar software e manexar os servizos de rede. O curso enteiro ten unha duración de 40 horas, aínda que a primeira parte é a máis longa cunha duración de 24.

Ligazón orixinal: idabc

doc.ubuntu-es.org é o novo wiki de documentación onde toda a comunidade hispana poderá colaborar e introducir documentación, así como participar en varios proxectos que están en marcha.

O wiki será enlazado dende todas as seccións de documentación das páxina de LoCo teams hispanos e pretende centralizar o traballo de todas as persoas que fan a documentación. Os obxectivos deste sitio son os seguintes:

• Crear e albergar toda a documentación “Oficial” de Ubuntu en español e mantela actualizada…

• Ofrecer aos usuarios de Ubuntu que se inician nesta distribución non só documentación técnica, se non unha visión ampla sobre o que é o movemento e a filosofía do Software Libre, a importancia do emprego de estándares e unha información completa sobre a situación actual de temas que afectan a comunidade.

• Servir como guía, apoio e axuda as comunidades locais hispanas (LoCos).

• Ter un sitio en español onde albergar proxectos hispanos en marcha, como C.U.P.I.E, ou a distrohispana entre outros.

   

Fonte: http://www.ubuntu-es.org/index.php?q=node/70763

Na páxina do Grupo de tradución ao galego das aplicacións de Mozilla acábase de publicar unha primeira versión do paquete de idioma para o Firefox 3, que agora mesmo está en versión Beta 1. Esta tradución foi levada a cabo conxuntamente con membros de Mancomun.org.

Ademais, aínda está nunha primeira fase de probas (mais é totalmente funcional) polo que pedimos que se envíen os informes de erros detectados na tradución á rolda de  http://galician.mozdev.org. Asemade, tamén se busca xente para colaborar na tradución. Podedes consultar máis información na rolda de correo.

Na rolda, tamén se publica hoxe o corrector ortográfico para o Firefox 3. Unha das grandes melloras de Firefox 3 é que inclúe o motor de corrección do OpenOffice.org (Hunspell) polo que agora o corrector do Firefox é o mesmo que o do OpenOffice.org coas mesmas características…

Todas as descargas están dispoñibles adxuntas nos correos electrónicos do arquivo da rolda. Compre salientar que na rolda de correo de http://galician.mozdev.org, os adxuntos perden a súa extensión .xpi polo que haberá que gardar a descarga do ficheiro .bin e cambiarlle a extensión a .xpi.

Estado actual da tradución do Firefox 3 (Beta 1):

A pasada fin de semana, do 16 ao 18 de Novembro, tivo lugar en Zaragoza a Akademy-es 2007. A conferencia, organizada por Hispalinux, Wireless Zaragoza e o concello de Zaragoza, estaba especificamente orientada a desenvolvedores de KDE e usuarios de toda España.

Estas son as impresións recollidas por un dos participantes na mesma, Aleix Pol, mantedor do paquete educativo Kalgebra:

“A conferencia comezou o sábado pola mañá moi cedo e consistiu en diversas charlas de membros da comunidade KDE. Pau García presentou CMake e varias das súas características…”

“Alex Pol presentou KDevelop 3 + CMake e tamén novas ideas para KDevelop 4. Alfredo Beaumont presentou KOffice 2 ademais de falar sobre o formato ODF e Flake. Thomas Nagy presentou a ferramenta de xeración de documentación Semantik.”

Máis información sobre o evento na páxina web oficial:
http://akademy.kde.org/

Fonte orixinal da nova:
http://dot.kde.org/1195751102/