Autor: Alberto

Debido ao lento avance do proxecto Open Graphics, uns estudantes tiveron a idea de facer unha tarxeta máis pequena, rápida e barata. Desde o sitio declaran que lles gustaría “ter unha tarxeta OGD1 (tarxeta do proxecto Open Graphics) porque estamos fascinados das súas especificacións, mais para moitos de nós esta tarxeta é demasiado. Coa nosa tarxeta pretendemos dar a posibilidade de reprogramala, deseñar tarxetas de vídeo e arquitecturas por un prezo que non doia no peto”.

Segundo a web do proxecto, pretenden que se poida construír na casa ou ben comprala desde o sitio web de aquí a uns meses a un prezo duns 200 euros…

O proxecto liberarase mediante unha licenza Creative Commons que non permita o uso comercial.

Páxina orixinal: http://www.wacco.mveas.com/projectvga.php

Ligazón á noticia: osnews

Páxina de Open Graphics

As comunidades de Software Libre aínda son moi pequenas e rudimentarias na maioría de países en vías de desenvolvemento respecto a Europa e EEUU, segundo o estudo “Desarrollo de software: diferencias regionales e interregionales en cuanto a desarrollo de Software Libre” realizado pola Universidad Rey Juan Carlos,

O estudo foi realizado polo grupo GsyC/LibreSoft e forma parte do proxecto europeo FLOSSWorld no que participaron once nacións coordinadas polo Instituto conxunto da Universidade das Naciones Unidas e a Universidad de Maastricht (MERIT). Asemade, foi financiado pola Comisión Europea…

Tras o estudo, sóubose que a infraestrutura para o desenvolvemento de software global non é proporcionada unicamente por países desenvolvidos, xa que se atoparon algúns proxectos de Software Libre de ámbito global en forxas (sitios web que facilitan o desenvolvemento de software) rexionais de países menos desenvolvidos.

Ademais, segundo o estudo “algúns proxectos rexionais en países en desenvolvemento publican novas versións dos seus produtos, pero non fan un uso extensivo de infraestrutura para o desenvolvemento ao estilo típico do Software Libre, con sistemas de control de versións públicos, roldas de correo e foros, dunha maneira colaborativa”.

Asemade, o estudo conclúe que “as comunidades locais dos países en vías de desenvolvemento analizadas están normalmente orientadas ao desenvolvemento de proxectos locais, con pouca participación de desenvolvedores estranxeiros”.

Fonte:
http://www.laflecha.net 

Máis información:
http://www.urjc.es

O Concello de A Coruña, a través da súa Área de Planificación, sacou a concurso a contratación do servizo de implantación da Administración electrónica baseada no Software Libre. O investimento para poñer en marchar esta iniciativa ascende aos 180.000 euros e o contrato terá unha duración de 12 meses.

O proxecto enmárcase dentro do obxectivo do Concello de mellorar os servizos de xestión e atención á cidadanía, proporcionando unha solución tecnolóxica baseada nunha infraestrutura software completa e modular que lle proporcione ao goberno local e á cidadanía todas as capacidades posibles do que se deu en chamar unha administración próxima ao cidadán…

Fonte: Código Cero

A Asociación Cultural Ourensana de Software Libre, OUSLI, cumpriu un ano, o 10 de novembro, traballando a prol do Software Libre.

Coincidindo co seu primeiro aniversario, a asociación anuncia os vídeos dos relatorios das I Xornadas de Software Libre no Ensino que se celebraron na Escola Superior de Enxeñería Informática de Ourense. O material atópase na mediateca da Televisión da Universidade de Vigo, uvigo.tv, ordenados conforme ao programa das Xornadas.

Fonte: OUSLI

A mediados de agosto deste ano, o goberno nixeriano decidía mercar 17.000 computadoras cargadas con Linux para as súas escolas. A finais de outubro saltaba aos medios a noticia de que este sistema operativo sería substituído por Windows. A polémica estendeuse pola rede, dando conta dun acordo de Microsoft co distribuidor das computadoras á marxe do goberno tras a sinatura do contrato. Finalmente, o goberno nixeriano vén de intervir, desautorizando publicamente ao provedor e manifestando que o Linux non será reemplazado. Máis información no corpo desta nova.

Tras o éxito dun programa piloto nas escolas de Nixeria, facíase pública a compra por parte deste goberno de 17.000 computadoras de tipo ClassMate PC. Esta nova adquiriu notoriedade mediática debido ao sistema operativo escollido polo goberno: un Mandriva Linux 2007 adaptado para funcionar sobre a tecnoloxía Flash deste tipo de portátiles.

Porén, a finais de outubro François Bancillon -CEO de Mandriva- publicaba unha carta aberta [ galego | castelán ] a Steve Ballmer -de Microsoft- denunciando que o Linux destes PC sería reemplazado por algunha versión de Windows.

 A nova espallouse pola rede cando se fixo público que Microsoft ofreceu 400.000 dólares ao provedor contratado polo goberno nixeriano para unha campaña de publicidade sobre o produto.

Finalmente, o goberno nixeriano vén de  intervir desautorizando publicamente ao provedor e manifestando, a través dunhas declaracións en InfoWorld, que o Mandriva Linux non sería reemplazado. Para máis información, pode consultarse a web do Grupo de Usuarios de Linux de Nixéria que está a facer un seguimento do caso.

Fonte: tuaw.com

Para ver máis información visite a fonte orixinal da nova:
http://www.codigocero.com/spip.php?article2800

Evento engadido á “Axenda de eventos de Mancomun.org”

Xa está dispoñible a última versión de Ferdora, chamada “Werewolf” e mantida pola comunidade de Fedora Project. Entre as novidades desta nova versión destacan,

• PulseAudio, un novo sistema de xestión de son que permite controlar o volume de cada aplicación por separado.

• CodecBuddy, unha ferramenta para instalar códecs propietarios dun xeito sinxelo.

• GNOME 2.20.

• Escritorio en liña.

• KDE 3.5.8.

• Xfce 4.4..

• NetworkManager 0.7 con soporte de administración de redes sen fíos melloradas.

• Compiz Fusion.

• OpenOffice.org 2.3.

• Capacidade de administración remota para Xen, KVM e QEMU.

• E moitas cousas máis…

Podedes atopar máis información e os CD de instalación na seguinte ligazón.

Fonte:http://softlibre.barrapunto.com/article.pl?sid=07/11/08/1444208&from=rss

Xa está dispoñible o DVD Ferramentas Informáticas para a PEME desde o portal. Este DVD foi presentado onte nunha xornada na que participaron empresas do sector TIC para achegar ideas sobre este produto que servirá para difundir ferramentas libres de utilidade para empresas e en galego.

Acéptanse suxestións e achegas para realizar melloras a este DVD a través do noso enderezo electrónico.

O DVD contén na versión actual:

• OpenOffice.org (Programas de ofimática)
• Mozilla Thunderbird (Xestor de correo)
• Mozilla Sunbird (Axenda)
• Mozilla Firefox (Navegador web)
• Pidgin (Mensaxería instantánea)
• Tiny ERP (ERP/Contabilidade)
• OpenBravo (ERP)
• Libre POS (TPV) 
• WordPress (Blogue)
• B2Evolution (Multiblogue)
• MoinMoin (Wiki)
• eGroupware (Traballo colaborativo)
• Cyclos (Bancos de tempo) 

 Enlace: DVD

O evento AKademy-es 2007 celebrarase durante os días 17 e 18 de novembro de 2007 en Zaragoza e é basicamente un encontro de desenvolvedores de KDE. Contará con unha excelente calidade de contidos e está dirixido a, ademais de todos os que están programando aplicacións para KDE, a todos aquelas persoas con un bo nivel informático e no sistema GNU que queiran iniciarse no desenvolvemento e mantemento de aplicacións para o contorno KDE e para aficionados que queiran coñecer cal é o presente e o futuro dos contornos gráficos.

A entrada é libre e gratuíta até completar un aforo dunhas 50 ou 60 persoas…

Máis información na páxina do evento:
http://zaragozawireless.org/akademy07/

Evento engadido á Axenda de eventos.