Autor: Alberto

O Grupo de Programadores e Usuarios de Linux (GPUL) en colaboración coa Facultade de Informática de A Coruña, presenta un ano máis as “Xornadas de Introdución a GNU/Linux para Alumnos Noveis”.

Estas xornadas celebraranse os días 13, 14 e 15 de novembro na Facultade de Informática. Prégase rexistro para ter unha idea da asistencia agardada.

Cos días iranse engadindo tanto ligazóns de interese como material na sección de recursos para que vos poidades introducir un pouco no mundo do software libre e GNU/Linux.

O programa contén…

A Directora Xeral de Promoción Industrial e Sociedade da Información, Helena Veiguela, presentou un DVD con ferramentas informáticas de Software Libre, gratuítas e en galego dirixidas a satisfacer as necesidades informáticas da PEME galega.

Cos programas contidos neste DVD calquera empresa disporá de aplicacións para manexar a súa contabilidade, xestionar os seus recursos, levar a súa comunicación interna e externa para, en definitiva, integrarse nun modelo empresarial baseado no coñecemento e as TIC cun custo cero e na nosa lingua. Farase chegar este DVD á PEME e ás asociacións empresariais, cámaras de comercio e outros organismos intermedios co fin de dar a coñecer as vantaxes do Software Libre empresarial.

Este tipo de programas de xestión empresarial supoñen unha enorme oportunidade de negocio para as empresas tecnolóxicas galegas de desenvolver unha industria informática baseada nos servizos e nos produtos informáticos propios. Mancomun.org seguirá coordinando a tradución e difusión de Software Libre que satisfaga a demanda tecnolóxica da PEME.

Google e 33 compañías máis anunciaron unha ambiciosa alianza industrial

que manterá por completo unha variedade de teléfonos móbiles de código

aberto. A «Open Handset Alliance» (OHA) declarou que os teléfonos

baseados no seu Android, sistema operativo con base en Linux, chegará ao

mercado en 8 meses. O grupo declarou que a pila do sistema operativo

Android está baseada no núcleo aberto Linux. Android tamén inclúe un

completo conxunto de aplicacións para móbiles, co fin da «significativa

baixada de custos de desenvolvemento e da distribución de dispositivos

móbiles e de servizos», segundo a OHA.

Fonte:

OS

News

Despois dunhas primeiras versións, Alberto García acaba de sacar a versión 0.1 de Vagalume, un reprodutor de Last.fm para os Nokia N800 e 770. 

Como el mesmo comenta no seu blogue, non houbo moitos cambios na aplicación pero agora inclúe algunhas bonitas características como:

Sobre estos dispositivos de Nokia, coméntanos Alberto, “é de salientar que usan un sistema baseado en Gnome e Debian) chamado Maemo e que é totalmente aberto, de aí que puidese facer que o programa funcione tanto nun PC normal coma nestes dispositivos”.

Captura de pantalla da aplicación:

Máis información na páxina do autor:
http://people.igalia.com/berto/

Red Hat chegou a un acordo co proxecto de Sun para colaborar no desenvolvemento de Java en Linux.

Até o de agora Red Hat fixera un desenvolvemento propio dalgunha das partes do Java SE JDK, coñecido por OpenJDK. Como resultado do acordo Red Hat creará unha implementación compatible con OpenJDK para a sua distribución Red Hat Enterprise. Así mesmo, empregará OpenJDK para crear unha contorna de execución para a súa JBoss Enterprise Middleware que está optimizada para Linux…

Fonte:
http://developers.slashdot.org

 Mancomun.org convida ás empresas das tecnoloxías da información e da comunicación a participar na xornada de traballo sobre o DVD Ferramentas Informáticas para a PEME, recompilación de ferramentas informáticas de licenza libre que cobren as necesidades comúns das empresas do noso país no uso das novas tecnoloxías.

O evento terá lugar en Santiago de Compostela no Hotel Porta do Camiño (Rúa Miguel Ferro Caaveiro, s/n. -ao pé do Palacio de Congresos e Exposicións en San Lázaro-) e dará comezo ás 16:00 horas.

Contará co seguinte programa:

16:00h. Benvida de Helena Veiguela aos asistentes e presentación da xornada

16:15h. Presentación do DVD por parte de Rafael Juanatey, Subdirector Xeral da Dirección Xeral de Promoción Industrial

16:30h. Demostración do DVD a cargo de Tomás Vilariño Coordinador de Soporte Técnico de Mancomun.org

16:45h. Café

17:00h. Presentación da Mesa Redonda de debate por parte de Suso Baleato, Coordinador de Mancomun.org

17:15h. Javier Vázquez, Presidente de AGASOL, Asociación Galega de Empresas de Software Libre.

17:30h. Francisco Rodríguez, membro do Grupo de Investigación de Ferramentas Abertas de Xestión Empresarial da ESEI de Ourense, Universidade de Vigo.

17:45h. Posta en común da mesa co público asistente acerca do DVD das PEME

19:30h. Aperitivo e Viño Galego

A Comunidade de Software Libre Morfeo organiza, a través de Telefónica I+D e coa colaboración da Fundación CTIC, “II Jornada Morfeo: Software Libre para la empresa”, que se celebrará entre o 26 e o 27 de novembro na cidade de Oviedo.

Estas xornadas divulgativas pretender dar a coñecer ás empresas asturianas diferentes aspectos relativos ao software libre, como licenzas, xestión da propiedade intelectual e modelos de negocio.

Tamén se amosarán distintos proxectos que se están desenvolvendo dentro de Morfeo e experiencias das empresas asturianas en este aspecto…

Máis información na páxina do proxecto Morfeo:
http://morfeo-project.org

O proxecto OpenGeoMap (a web está en inglés, pero é un proxecto español) declara que xa é hora de que os enxeñeiros de camiños, industriais, etc… e non só os informáticos, comecen a usar Software Libre.

Para iso comezaron un proxecto para crear e difundir software libre para enxeñeiros,  para o cal necesitan colaboración de programadores, deseñadores, técnicos, tradutores e en xeral colaboradores…

A web presenta distintas seccións cos distintos tipos de aplicacións para enxeñeiros e dentro de cada sección explícase o software que se pretende desenvolver e/ou mellorar:

A administración autonómica manchega porá en marcha o Proyecto Pascal a través do seu Centro de Excelencia de Software Libre de Albacete. O centro levará a cabo sete programas para a difusión do Software Libre nesta comunidade autónoma. O proxecto contará con 460.000 euros de financiamento.  

Os programas dos que se compón o Proyecto Pascal son os seguintes:

• Programa para a xestión do proxecto.
• Programa ‘Portalos’: como observatorio tecnolóxico de Software Libre.
• Programa ‘Formados’: para a formación e difusión do Software Libre en Castilla-La Mancha.
• Programa ‘Comunios’: para fomentar a adhesión e participación das principais comunidades nacionais e internacionais referidas ao Software Libre.
• Programa ‘Solidarios’: que contempla unha vertente de acción social con Software Libre e equipamiento reutilizable.
• Programa ‘Certios’: centrado na creación dun clúster de empresas TIC en ámbitos de Software Libre.
• Programa ‘Ticos’: para apoiar a empresas TIC de Castilla-La Mancha na adopción de modelos de negocio baseados en servizos.

Fonte: Terra 

Na banda da administración pública haberá representantes da Junta de Extremadura. Contarase tamén coa presenza de Francisco Javier Rodríguez, profesor da Escola Técnica Superior de Informática de Ourense que grazas a un convenio con Mancomun.org desenvolveu un proxecto de investigación sobre ferramentas libres de xestión de empresarial. Está prevista a presenza ademais  de Jim Markwith OSS (Open Source Software) Licensing Counsel de Microsoft.

Programa da xornada.