Autor: Alberto

Un xuíz francés vén de ordear a devolución do importe dun sistema operativo Windows preinstalado nun computador Acer. O consumidor despois de facer varias xestións conseguiu que se lle devolvesen 30 euros pero, non satisfeito, decidiu seguir coa vía xudicial. O tribunal doulle a razón e Acer indemnizarao con 311,85 euros e farase cargo dos gastos do xuízo. O Instituto da Globalización, grupo de expertos ligado á Unión Europea, recomendou recentemente a venda de computadores sen sistema operativo preinstalado.

As razóns polas que se defende a venda de computadores sen sistema operativo preinstalado son basicamente dúas: maior liberdade de elección do consumidor, coa conseguinte baixada de prezos, e fomentar a libre competencia.

Fonte orixinal: Público  

Entre as melloras que incorpora Gutsy Gibbon están a inclusión por defecto do escritorio 3D Compiz Fusion, a reincorporación dos cambios con Debian e a actualización ao Kernel 2.6.22 en tódalas variantes de Ubuntu (Edubuntu, Kubuntu e Xubuntu).

Esta versión de proba pode descargarse dende:

• Download: Ubuntu 7.10 Beta.

Fonte: http://www.vivalinux.com.ar/distros/ubuntu-7.10-tribe1.html

Algunhas das súas características son:

• diferentes modelos de dinámica de voo (JSBSim, YASim, UIUC)
• base de datos do escenario mundial extenso e preciso
• modelos de ceo detallados
• sistema de modelado de avións aberto e flexible
• requirimentos de hardware moderados
• opcións de rede (interacción con outros FlightGear, GPS, etc..)

Descarga: FlightGear

A Oficina de Patentes e a Autoridade da competencia norueguesas son os primeiros corpos gobernamentais nacionais en mudaren a escritorios de código aberto.

O Ministerio de Asuntos Económicos anunciou a pasada semana que dúas institucións están a preparar a migración a unha infraestrutura de tecnoloxías da información de código aberto completa. Como parte do plano, o ministerio está a procurar activamente departamentos gobernamentais dispostos a migrar os seus contornos de escritorio a código aberto.

A Oficina de Patentes (Octrooicentrum Nederland) é a primeira institución. Tjeerd van der Laan, xefe do departamento de Tecnoloxías da Información, agarda migrar os seus 155 PC en 2008.

Van der Laan non agarda que a migración sexa fácil. «As nosas aplicacións ligan coas do Ministerio de Asuntos Económicos, coas da Organización da Propiedade Intelectual Mundial e outras organizacións. Nós estamos de acordo co ministro de Comercio Exterior Frank Heemskers en que cambiar a código aberto estimula a innovación.»

A Autoridade da Competencia Norueguesa está nos primeiros pasos da migración. Un voceiro confirmou que os planos son un bosquexo.

As dúas institucións son os primeiros corpos gobernamentais nacionais que migran a escritorios con código aberto. Recentemente, Gróningen foi a primeira provincia en anunciar que estaba a estudar o uso do OpenOffice.org. Outros moitos concellos, como Heerenveen, ou Ámsterdam están a migrar a OpenOffice.org ou estudan esta migración.

Fonte:

IDABC

As bibliotecas romenas xa poden empregar sistemas de código aberto para levar o sistema de préstamos, de reservas, para facer buscas nos catálogos, para o mantemento do sitio web e da administración xeral.

O sistema de código aberto «IBLA» para a automatización das bibliotecas foi desenvolvido ao longo dos dous últimos anos por un grupo de consultores, Adina Riposan, Emil Mieilica e Iosif Biro, co que agardan que medre o uso do Software Libre no país.

Este proxecto para bibliotecas foi financiado polos gobernos italiano e romeno e ambos países agardan desenvolver un sistema integrado de bibliotecas públicas. O proxecto rematou a comezos deste ano.

O sistema probouse en cinco bibliotecas en Romanía e estase a ofrecer de forma gratuíta a todas as bibliotecas públicas do país. De acordo co persoal involucrado no proxecto, varias bibliotecas, academias e sitios sen ánimo de lucro xa expresaron o seu interese no proxecto.

Segundo os desenvolvedores, o sistema IBLA, que está programado en Java, cubre as funcións principais dunha biblioteca alén de se poder traducir de forma sinxela.

O equipo do proxecto agarda que se cree unha comunidade que continúe co desenvolvemento do programa. Gustaríalles ver o sistema adaptado para o seu uso en computadores de man e outro dispositivos móbiles, así como estender o seu uso para permitir o pagamento de servizos bibliotecarios ou por contidos dixitais. Tamén inclúen na lista de cousas a facer a mellora da súa interface para persoas con discapacidade visual.

Esta actualización da versión estable Freespire 2.0, contén un plugin CNR actualizado para a instalación de software e corrixe algúns erros menores. Entre os paquetes actualizados destacan:

• O plugin Flash 9 actualizado a versión 9.0.60.

• KnetworkConf

• KnetworkManager

• Kplayer actualizado dende 0.5.3 a 0.6.3.

• Kuser

• sun-java6-bin

• sun-java6-jre

• sun-java6-plugin

Pode descargarse unha imaxe iso desta actualización da versión estable 2.0 de Freespire dende o enlace freespire_2.0.3.iso

Fonte: http://forum.freespire.org/showthread.php?t=11151

O Instituto de Globalización, unha institución investigadora europea

para a liberdade do mercado, quere que a Unión Europea obrigue a vender

os ordenadores sen un sistema operativo preinstalado.

O instituto envioulle a súa recomendación á Comisión Europea a semana

pasada. A maior parte dos ordenadores véndese como produtos commodity.

Segundo os investigadores, os manufacturadores actualmente non ofrecen

ningunha elección. Hai, cando menos, elección entre os procesadores (Intel e

AMD), tamén entre memorias e discos duros mais esta non existe

entre o sistema operativo xa que a posición predominante de Microsoft

non é en interese do público, limita o mercado e demora o

desenvolvemento en prexuízo dos consumidores.

O informe feito por Alex Singleton, o presidente do instituto, continúa a salientar que o monopolio de Windows impón custos extra en case calquera negocio da UE, xa que o prezo dos sistemas operativos baixaría nun mercado máis competitivo.

Este informe foi publicado unha semana despois de que Microsoft perdera

o xuízo na Corte Europea de Primeira Instancia contra os cargos da

Comisión Europea de que a compañía abusara da súa posición predominante.

Fonte orixinal: http://ec.europa.eu/idabc/en/document/7224/469

A ex-república iugoslava de Macedonia proporcionará 180 000 equipos a todas as escolas coa distribución Ubuntu GNU/Linux e con tecnoloxías de escritorio virtual de NComputing.

De acordo cunha declaración da compañía, o Ministerio de Educación e

Ciencia de Macedonia proporcionaralle a case todos os alumnos de ensino primario e secundario da nación o seu propio equipo, que empregará GNU/Linux para alén doutro software de código aberto.

A compañía declarou que os seus computadores teñen un custo de,

aproximadamente, a metade que outras instalacións de PC de baixo custo.

A declaración cita a Ivo Ivanovski, ministro de Macedonia pola Sociedade da Información, que declara que este proxecto de educación, co nome de Un computador para cada crianza, é o máis amplo e importante que se emprendeu nos 15 anos de historia da República de Macedonia. «A nosa meta -proseguiu- é construír unha economía baseada no coñecemnto en que a nosa enteira forza de traballo estea educada no emprego das tecnoloxías da información e da comunicación dentro dos próximos cinco anos.»

Esta iniciativa ten os seus antecedentes xa que,en 2004, Macedonia comezara a usar GNU/Linux nos PC das súas escolas.

Como parte deste proxecto, uns 10 000 profesores das escolas de secundaria e de primaria foron adestrados no uso de GNU/Linux e outras

aplicacións de código aberto. ao que hai que engadir a instalación, en 2005, de máis de 80 puntos de acceso wifi no país.

Fonte:

IDABC

Un informe do Instituto da Globalización afirma que a integración de serie de sistemas operativos de Microsoft Windows nos computadores non responde ao interes público e afecta á libre competencia. Esta institución argumenta que outras compañías adicadas aos sistemas operativos non poden beneficiarse da súa oferta máis barata porque os consumidores son forzados a comprar Windows. Ademais a posición dominante do sistema de Microsoft ralentiza a innovación e prevé a creación de alternativas no mercado.