Autor: Alberto

A falta de soporte para o emprego de Software Libre non é un problema real para a administración pública europea, segundo conclúe un estudo feito por investigadores de dúas importantes compañías dedicadas ás tecnoloxías da información, Unisys e Merit (Maastricht Economic and social Research and training Institute on Innovation and Technology).

O estudo, que comezou en 2004 e rematou en abril deste ano, foi realizado sobre 955 autoridades públicas en 30 estados membros da Unión Europea desde 2004.

As súas conclusións acaban de ver a luz, entre as que compre salientar que a falta de soporte que se percibe para este tipo de software é so iso, unha percepción e non unha realidade. 

Un dos parágrafos vai nesta liña: “O 39% dos enquisados considerou problemático achar axuda técnica para os programas de software libre mais isto é unha percepción máis que un feito. Os nosos datos amosan que esta opinión é máis forte entre os que non son usuarios é están á marxe deste tipo de software. Os usuarios actuais de Software Libre teñen a tendencia a estar en desacordo en que o soporte sexa caro ou difícil de achar».

Outra conclusión do informe de Unisys e Merit é que adoptar Software Libre, en moitos casos reduce os custos. “O aforro en custos é normalmente o primeiro que vén á mente cando se pensa empregar Software Libre. Porén, isto funciona en só 3 de cada 6 autoridades analizadas”.

No entanto, a redución de custos non desempeña un papel especialmente motivador para todas as administracións públicas enquisadas que decidiron empregar Software Libre.

Fonte: IDABC

Algunhas das aplicacións preinstaladas son:

• 1.NCBI BLAST 2.2.16
• 2.NCBI NetBLAST 2.2.16
• 3.EMBOSS 4.1.0
• 4.ESIM4 (EMBOSS SIM4)
• 5.MSE 1.0.0
• 6.Phylip 3.6b
• 7.Biopython 1.43
• 8.BioPerl
• 9.Kalign 1.04
• 10.Clustalx and Clustalw 1.83
• 11.njplot
• 12.Polyxmass 0.9.7
• 13.Primer3
• 14.Rasmol 2.7.2.1.1
• 15.Sigma-align 1.0
• 16.t_coffe 2.50
• 17.xviewg
• 18.Treeviewx 0.5.1
• 19.hmmer 2.3.2
• 20.NCBI-epcr
• 21.Cn3D NCBI Database Viewer
• 22.DDV Sequence Alignment Viewer
• 23.Entrez NCBI Database Querying Tool
• 24.OneD Biological Sequence Viewer
• 25.PyMOL Molecular Graphics System
• 26.Sequin DNA Sequence Submission Tool

Fonte: Territorio Libre

Segundo informa The Inquirer, AMD vén de facer públicas máis de 900 páxinas de documentación para o desenvolvemento de controladores de código aberto para as súas tarxetas gráficas AMD/ATI. Esta decisión abrirá a porta ao desenvolvemento de controladores libres para tarxetas de ATI o que conleva un paso adiante no seu soporte para Linux.

FreeCol é outro xogo de código aberto, un clon do Sid Meier’s Colonization. Ao estar feito en Java, pódese executar en varios sistemas operativos, tendo máquina virtual de Java (a versión 1.5 ou superiores). É un xogo similar ao Freeciv. A maiores podemos escoller varios idiomas para o xogo.

Algunhas das características das últimas versións son:

• Sinxelo editor de mapas
• Novo mapa de América
• Automatización de camiños de comerciais
• Comercio e negociación entre xogadores
• …

Páxina sourceforge: FreeCol

A Biblioteca Británica quere mellorar o seu sistema de arquivo de código aberto, Web Curator Tool. Para este fin, sacou un concurso a nivel europeo o pasado mes de agosto en que solicitaba especialistas para axudar coas novas funcionalidades e corrixir os erros nesta aplicación de código aberto. O contrato está valorado en 60.000 GBP (uns 88.000 euros).

Para explicar porque a biblioteca está a empregar unha licenza de código aberto para desenvolver esta ferramenta, Derek Farmer, o encargado da seguranza informática da Biblioteca Británica lembrou que esta é membro fundador do «International Internet Preservation Consortium». A ferramenta Web Curator Tool está a se desenvolver baixo o seu auspicio. “Un dos obxectivos deste consorcio é fomentar o desenvolvemento e o uso de ferramentas, técnicas e estándares comúns para a creación de arquivos internacionais”.

Segundo Farmer, a Web Curator Tool non é a única ferramenta de código aberto desenvolvida ou usada pola Biblioteca Británica, pois o centro, emprega tamén un importante número de aplicacións de código aberto.

Por exemplo, está a empregar GNU/Linux, Apache e Tomcat. Ademais, a Biblioteca usa Heritrix, robot de código aberto para o rastrexo de sistemas de arquivo web, a aplicación «Wayback Machine» (máquina do tempo) dentro do proxecto Archive, que se dedica a recoller a evolución das páxinas da Internet ao longo do tempo.

De acordo coas regras de adquisición de software, a Biblioteca Británica sempre considerará tanto o software libre como o privativo ao se basear na política oficial do país.

Ligazón á nova en IDABC: British Library to improve its Open Source web archive system

tkFP é unha ferramenta de xestión de rexistros médicos escrita maiormente en [[Tcl/Tk]] , ainda que tamén se empregou C, C++, PYTHON e PERL. Está orientada para os pediatras, internistas e atención primaria. Xa é usado dende fai varios anos por médicos de todo o mundo. A súa interface web está baseada en Tk GUI e navegadores web.

Está licenzado baixo GPL. Dispoñible en varias plataformas e idiomas.

Descarga: ISO

Web do proxecto: tkFP  

Membros do parlamento británico e representantes do goberno discutiron onte, no palacio de Westminster, o impacto económico do Software Libre.

O membro do parlamento John Pugh, voceiro de Saúde na oposición, e David Gauke, o voceiro en materia económica tamén na oposición uniranse ao debate.

Gerry McMullen, presidente de Estratexias de Tecnoloxías da Información na cidade de Birmingham participará no debate das vantaxes e desvantaxes para o sector público de mudar a sistemas de código aberto.

Os relatores, entre os que se acha Alan Cox (coñecido desenvolvedor do núcleo de Linux) e Mark Taylor (directivo de Sirius, unha empresa que se dedica a dar solucións con Software Libre, e presidente do «Open Source Consortium») agardan que a reunión sexa útil para fomentar o emprego de sistemas de código aberto no ámbito público.

A ESOP, unha asociación de compañías portuguesas para o software de código aberto, comezará a súa actividade no 25 de setembro.

A pesar de que a ESOP foi fundada de maneira oficial a finais de agosto, organizará o seu primeiro evento a finais de setembro. A asociación quere incrementar a adopción do software de código aberto, dixo Gustavi Homem, un dos representativos da ESOP e o director técnico de Ângulo Sólido, unha compañía portuguesa de Tecnoloxías da Información (TI), nunha entrevista co sitio de noticias por internet portugués Sapo.

A asociación tamén traballará para facer que compañías e institucións interesadas no software libre coñezan os provedores de servizos portugueses.

ESOP é a segunda organización portuguesa centrada no software libre e nos programas de código aberto.Ansol, a asociación portuguesa para o software Libre, nestes meses estivo activa en Portugal polo tema do voto do comité ISO no tema da estandarización de OOXML.

O uso do software libre en Portugal está a medrar segundo IDC, especialmente no ámbito da administración pública.

A Secretaría Xeral de Política Lingüística, dependete de Presidencia, convoca un concurso para o desenvolvemento dunha arquitectura que permita consultar un dicionario en galego vía web cunha dotación orzamentaria duns 63 200 euros (incluíndo 3 anos de soporte). O prazo de execución dado é de catro meses e o prazo de presentación de propostas remata o 26 de setembro.

Entre as condicións do prego de prescricións técnicas cómpre salientar o empregarse software libreo seu desenvolvemento, así como cumprir cos requisitos técnicos e de seguranza.

As funcionalidades requiridas son basicamente a entrada de datos, a definición, a relación con sinónimos e refráns e o soporte para a catalogación das palabras.

As empresas interesadas poden consultar o prego de condicións máis detallado no web da Secretaría Xeral de Política Lingüística en que explican que trámites e que documentación presentar para optar a este concurso.

Ligazón á páxina do concurso: http://www.xunta.es/linguagalega/contratacions

As Xornadas Internacionais de Software Libre da Universidade de La Laguna (Tenerife) son un evento anual organizado pola Oficina de Software Libre e que están orientadas a fomentar o uso do software libre tanto nas empresas e na universidade como no usuario final, abrir o debate sobre diversos temas que se relacionan con el e, a súa vez, son un foro de formación e de discusión en temas técnicos e especializados de grande actualidade e relevancia.

Para esta segunda edición conseguiron reunir entre outros a Marcelo Tosatti, Aaron J. Seigo, Allan Runyan e Jonathan Riddell. As xornadas incluen charlas, obradoiros e outras actividades entre os días 18 e 21 deste mes. A matrícula está aberta e ademais existen prazas para o aloxamento de quen o necesitar.

Fonte: Xornadas Software Libre da ULL

Denodo Technologies www.denodo.com é unha empresa galega adicada ás tecnoloxías de integración de datos con central en A Coruña e oficinas en Madrid e Palo Alto (California). Buscan un programador junior de Java para as súas oficinas nas tres sedes.

Requirimentos da oferta 

Titulación: Enxeñeiro Superior en Informática con carreira rematada ou a falta do PFC.

Profundo coñecemento da API de Java Standard Edition

Coñecementos de:

* Patróns e arquitectura de aplicacións web en Java.

* API de servlets, JSP, JSTL, Apache Struts e JDBC

* Apache Tomcat

* Control de versións mediante CVS

Valoraranse coñecementos de:

* Hibernate

* Spring Framework

* Apache Maven

* SXBD’s: Oracle, MySQL, SQL Server,…