Autor: Alberto

Recentemente publicouse unha nova versión do Pang Zero, o cal é un clon mellorado do Super Pang, un xogo arcade no cal o usuario debe destruír uns balóns cun arpón. Este era un dos clásicos das salas de xogos, ata fai poucos anos.

Nesta versión poden participar até seis persoas no mesmo computador. É un xogo multiplataforma e con licenza GPL. Para executalo soamente se necesita ter o perl-SDL instalado. Nesta última versión (a 1.3) fixéronse melloras nos apartados de gráficos e na súa integración co sistema operativo Windows.

Ligazóns:

Páxina oficial

Descargas  

A versión 2.6.23 do kernel de Linux incluirá as tecnoloxías de virtualización Xen e Iguest. Desde a versión 2.6.20 xa contaba coa plataforma de virtualización KVM.

Xen foi desenvolvido pola Universidade de Cambridge e é un dos sistemas de virtualización máis populares que, coa súa inclusión no kernel, daría un paso importante á hora de competir con VMware. Iguest é un sinxelo hipervisor para executar máquinas virtuais Linux sobre Linux. Ao contrario que KVM, non require hardware con VT/SVM (as solucións de virtualización HW de Intel e AMD).

Fonte da nova. The Inquirer

Virtual Magnifying Glass é unha lupa virtual feita con Software Libre e que se pode executar en Windows, Linux (rpm e tar.bz2) e FreeBSD (unha das futuras características é o soporte para Mac OS X e Pocket PC).

Virtual Magnifying Glass está deseñada para persoas con problemas visuais e outras que necesiten agrandar algunha parte da pantalla. Ao contrario que moitos programas similares, Virtual Magnifying Glass non abre outra aplicación nunha ventá aparte, senón que debuxa unha lupa con aumento que se pode mover libremente pola pantalla…

Captura do funcionamento de Virtual Magnifying Glass (prema na imaxe para vela máis grande)

 
Na web oficial tamén atopamos unhas ligazóns a recursos (libres e non libres) interesantes para persoas con problemas visuais. Así temos tamén:
 

• The Screen Magnifiers Homepage: páxina con información sobre programas para aumentar a pantalla.
• InContrast: páxina especialmente deseñada para persoas que usan temas de escritorio de alto contraste con información de todo tipo.
• Braille virtual: Braille Virtual é un curso online e libre baseado en gráficos con animacións cuxo obxectivo é ensinar Braille a persoas que si poden ver e orientado especificamente a pais, nenos e mestres.

A televisión pública de Gran Bretaña está a considerar facer que o seu servizo de televisión por internet, visible a través de iPlayer, sexa capaz de se executar noutros sistemas operativos alén do Windows.

Representantes da BBC e do Open Source Consorcium (OSC), unha organización que está a criticar á BBC por facer que os seus programas funcionen só en Windows, reuniranse para discutiren este tema e debateren alternativas…

A BBC presentará o seu reprodutor este mes, un software que lles permitirá aos seus usuarios ver os programas de TV nos seus ordenadores. Os programas poden gardarse por un número de días até que se borran. A primeira versión do iPlayer só se podía empregar en ordenadores que tivesen Microsoft Windows, mais a versión para Mac aparecerá en outono.

O OSC criticou duramente á BBC por ser un organismo financiado por fondos públicos e adoptar tecnoloxías que excluían directamente ao 25% dos usuarios. A BBC contestou que o seu inicio foi coa versión de Windows porque chegaba a máis persoas. Porén, a BBC tamén está a ser criticada por combinar o seu iPlayer con programas DRM.

Ligazón:
http://ec.europa.eu/idabc/en/document/7160/469

Na sección de demos podemos atopar aplicacións tan interesantes como este calendario:
Demo do calendario

Ademais tamén acaban de presentar a primeira aplicación para o teléfono iPhone de Apple:
1ª aplicación para o iPhone de Apple

Fonte orixinal:  De  Minorías

Meter Hutterer, estudante dos laboratorios de Wearable Computer Lab da universidade do Sur de Australia, liberou unha nova versión de MPX (Multi-Pointer X Server). Trátase dunha modificación da implementación de Xorg do sistema X Windows que permite múltiples cursores para múltiples usuarios.

Agora esta actualización soporta pantallas planas táctiles, convertendo MPX nunha aplicación similar ao ambicioso Microsoft Multipoint SDK.

Podes ver un vídeo do seu funcionamento premendo en “Ler máis”… 

Vídeo máis recente do funcionamento de MPX:

Páxina orixinal do proxecto:
http://wearables.unisa.edu.au/mpx

Fonte:
http://www.vivalinux.com.ar

Viking é un software desenvolvido baixo a licenza GPL para xestionar datos GPS. Con Viking pódense importar e trazar rutas e puntos de paso, amosar mapas de Google maps e/ou Terraserver, coordinar liñas, facer novas rutas e puntos de paso, ocultar diferentes obxectos, etc…

Está escrito en C co toolkit GTK+ 2, dispoñible para GNU/Linux, outros sistemas POSIX e Windows…

O vicepresidente primeiro da cidade autónoma de Melilla, Miguel Marín, presentou, nunha rolda de prensa, a terceira versión de Melinux, a distribución de software libre promovida por esta cidade, e os avances que se conseguiron logo de dous anos de funcionamento.

Nesta rolda de prensa destacou as vantaxes deste produto, totalmente gratuíto, de libre distribución e de fontes abertas, e salientou as melloras significativas da última versión canto á facilidade de instalación e á compatibilidade cun maior número de dispositivos.

Tamén destacou a gratuidade do produto e a posibilidade da súa copia sen restricións, ao mesmo tempo que o aforro que para a propia cidade está a supor a súa implantación nos ordenadores persoais que, actualmente, xa é da orde dos 60 equipos, mais a intención é instalalo nos 500 que posue a administración. Este feito supuxo un aforro en licenzas duns 36 000 euros, algo que para o usuario final pode ser bastante atractivo, máis aínda se se considera que existe un servizo de soporte técnico e asesoramento gratuíto que a propia cidade autónoma presta, nunha primeira fase, até o ano 2010, cunha posíbel ampliación, nunha segunda fase, de dous anos máis. Esta contía económica reverterá directamente na cidadanía, segundo expresou Marín, «xa que con ese diñeiro vanse realizar outras actuacións».

Por último, Miguel Marín destacou que o material dos cursos de formación gratuítos que imparte a cidade coa finalidade de dar a coñecer entre os melillenses as vantaxes deste produto, xa foi actualizado ás novas funcionalidades que se incorporaron ao produto nos últimos meses. Ao mesmo tempo, levouse a cabo unha campaña específica adaptada aos meses de verán, en que destaca a formación no manexo de Melinux para os máis pequenos.

Melinux pódese descargar na páxina web da cidade autónoma, ou na da propia distribución.

Fonte: Gaceta Tecnológica

Requírese como mínimo formación profesional de grao superior. O contrato será indefinido e o salario estará entre 18.000 e 30.000 euros.

Máis información na oferta que a empresa publicou no portal Infojobs.  

O pasado 13 de xullo, abriuse ao público o portal español de OpenSolaris. Este portal ten por obxectivo reunir a toda a comunidade hispanofalante que se interese pola tecnoloxía Open-Solaris.

Sen dúbida Sun está a realizar un serio esforzo por liberar o seu código para posibilitar distribucións libres do mesmo como Solaris Express, BeleniX, marTux, NexentaOS, SchilliX.