Autor: Alberto

UPCnet patrocinará as VI Xornadas de Software Libre que terán lugar na Escola Superior de Xirona do 4 ao 7 de xullo. As xornadas teñen como obxectivo principal a difusión do Software Libre, a promoción dos seus aspectos técnicos e mais científicos e supoñen un punto de encontro entre os profesionais do Software Libre.

UPCnet achegaralle o seu coñecemento á comunidade de Software Libre, participando no sprint de Plone, xestor de contidos desenvolvido en Software Libre, que terá lugar do 6 ao 8 de xullo…

Marcos Montero, xestor de proxectos de UPCnet, impartirá a conferencia «A implantación de Moodle na UPC: arquitectura e rendemento» o venres 6 de xullo. O relatorio tratará sobre o deseño e a implantación dunha arquitectura Moodle (plataforma virtual para a docencia), con capacidade para 30 000 usuarios.

Fonte: La Flecha

Web das xornadas: jornades.pl

Nicolais comentou que o uso de Software Libre axuda a reducir custos e abre o mercado das novas tecnoloxías e salientou que este tipo de software é sinxelo de adaptar aos seus requirimentos e fácil de compartir. Ademais, apuntou que o seu uso é parte da estratexia no goberno italiano.

O sitio web de desenvolvemento está albergado no centro para Tecnoloxías da Información na Administración Pública en Roma por Cnipa. Ademais, Cnipa está a usar GForge (ao igual que a forxa de mancomun) para albergar os proxectos en desenvolvemento.

Como dato estatístico (dado polo presidente de Cnipa) en 2005, o 54% do goberno Italiano estaba a usar software aberto, unha porcentaxe que se incrementou até o 67 %.

Fonte: idabc

Hai unha semana que MySQL presentou MySQL proxy 0.5.0 alpha.

MySQL Proxy é un sinxelo programa que se sitúa entre o teu cliente e o servidor ou servidores MySQL, podendo monitorizar, analizar e transformar a comunicación entre eles. Pódese empregar para realizar funcións de balanceo de carga, failover, análise de consultas ou filtrado e modificación de consultas.

A documentación do produto está dispoñíbel en MySQL Forge.

O código fonte e os binarios pódense descargar dende http://dev.mysql.com/downloads/mysql-proxy/0.5.html

Fonte:http://diariolinux.com/2007/07/03/mysql-proxy-050/

O Corpus de Mancomun.org permite procurar palabras en inglés ou en galego nos proxectos de adaptación ao galego de OpenOffice.org, Gnome e Pidgin e, en breve, nos de Mozilla Firefox e Thunderbird.

O Corpus busca nos distintos proxectos de tradución almacenados e devolve parellas de frases inglés-galego ou galego-inglés nas que se atopa a palabra procurada e a frase traducida correspondente. Esta ferramenta facilita o mantemento da coherencia terminolóxica nas traducións de distintas aplicacións libres, cuestión fundamental para a calidade final dos produtos.

O vindeiro luns 9 de xullo dará comezo en Boiro o curso impartido a través da Rede de Dinamización da Sociedade da Información, que consistirá no manexo do procesador de textos Writer, que pertence á suite ofimática de Software Libre OpenOffice.org. Este curso terá unha duración total de 25 horas, e contará coa asistencia de 14 alumnos que previamente se inscribiron.

O horario do curso será de luns a venres, de 19:00 a 21:00 horas, e vaise impartir na Aula da Deputación da Coruña, que está no segundo piso do Centro Social de Boiro…

Evento engadido á axenda de eventos de mancomun.org. 

Fonte:
https://dinamiza.sociedadedainformacion.eu

Desde este mes até setembro vaise celebrar un obradoiro para nenos e nenas de 8 a 11 anos de idade en Cerceda. Neste obradoiro no que os nenos e nenas aprenderán o manexo do ordenador preténdese realizar un achegamento ás posibilidades que o Software Libre ofrece tanto a nivel de procesadores de texto e navegación en Internet. Estará dividido en 4 horarios distintos segundo a idade dos participantes e terán lugar de luns a xoves de 11:00 a 12:00 da mañá. Este evento está organizado pola Rede de Dinamización da Sociedade da Información. 

Máis eventos na nosa axenda.

Nove meses despois da súa versión anterior, o incansable Pat

Volkerding anunciou a

dispoñibilidade definitiva de Slackware 12.0.

Esta versión inclúe algunhas novidades como o soporte exclusivo das

series 2.6

do núcleo (2.5.21.5 instalado por defecto), KDE 3.5.7, XFCE 4.4.1, X11

7.2.0, Apache 2.2.4 con soporte para Dynamic Shared Object, PHP 5.2.3

e versións actualizadas das ferramentas de administración de paquetes de

Slackware.

Para descargala podemos facelo a través de BitTorrent en

ou nos espellos dispoñíbeis no web do proxecto Slackware Linux

Fontes: VivaLinux!

The Slackware Linux

Project

Nove meses despois da súa versión anterior, o incansable Pat

Volkerding anunciou a

dispoñibilidade definitiva de Slackware 12.0.

Esta versión inclúe algunhas novidades como o soporte exclusivo das

series 2.6

do núcleo (2.5.21.5 instalado por defecto), KDE 3.5.7, XFCE 4.4.1, X11

7.2.0, Apache 2.2.4 con soporte para Dynamic Shared Object, PHP 5.2.3

e versións actualizadas das ferramentas de administración de paquetes de

Slackware.

Para descargala podemos facelo a través de BitTorrent en

ou nos espellos dispoñíbeis no web do proxecto Slackware Linux

Fontes: VivaLinux!

The Slackware Linux

Project

Slackware anunciou a liberación da súa nova versión estable 12.0. Esta nova versión conta coas características do Kernel 2.6.21.5 tales como o soporte de volumes SCSI e ATA RAID, soporte para SATA, Software RAID e LVM. Tamén inclúe soporte no Kernel para X DRI co que se consegue aceleración por hardware para gráficos 3D en Linux.

Entre as características desta nova versión de Slackware atopamos:

A lista completa de melloras e actualizacións pódese ver no ficheiro,

ftp://ftp.slackware.com/pub/slackware/slackware-12.0/PACKAGES.TXT

A versión completa de Slackware 12.0 está dispoñible para descarga por ftp dende o servidor central de ftp de Slackware,

ftp://slackware.osuosl.org/pub/slackware/slackware-12.0/

ftp://ftp.slackware.com/pub/slackware/slackware-12.0/

Tamén se pode obter a lista completa de servidores dende http://slackware.com/getslack/

A charla terá lugar o venres 6 de xullo ás 4 da tarde na aula de informática de Apetamcor, en Barbadás, Ourense.

Con esta charla a Rede de Dinamización da Dirección Xeral de Promoción Industrial e Sociedade da Información pretende acadar varios obxectivos, entre eles promocionar e difundir o uso do Software Libre, tanto para particulares como para empresas, así como potenciar o uso de aplicacións informáticas na nosa lingua.

Tamén se pretende dar a coñecer o labor de mancomun.org e as diferentes iniciativas que se desenvolven desde diferentes ámbitos.

Evento engadido á “Axenda de eventos” de mancomun.org:
Axenda de eventos

Fonte:
https://dinamiza.sociedadedainformacion.eu

A OpenCommunity 2007, unha reunión na que as diversas comunidades do Software Libre intercambian experiencias co fin de abrir novos espazos de colaboración entre elas, levouse a cabo esta fin de semana na Facultade de Enxeñaría e de Negocios da Universidade das Ciencias da Información» (UCINF), localizada Providencia, Santiago de Chile

Segundo informaron os seus organizadores, o acceso a esta actividade foi gratuíto e aberto a todo o público.

Entre outras charlas do evento, destaca A neutralidade na Internet, onde José Huerta Estrada (da ONG «Neutralidad Si!») presentou os proxectos de lei de «Velocidade mínima garantida» e «Neutralidade na rede», onde explicou a situación actual de Chile no que a banda larga se refire, a discusión sobre a neutralidade na rede e a discusión existente nos Estados Unidos sobre o tema…

Pola súa banda, no relatorio «Goberno e organización da Comunidade Ubuntu Internacional», impartido por Claudio Santibáñez (Ubuntu Chile) deuse a coñecer o modelo de traballo colaborativo de Ubuntu e o seu goberno, desde a súa administración global, o «Community Council», até o seu desenvolvemento específico cos «Local Community (LoCo) Teams».

Fonte:
La Flecha

Máis información na ligazón seguinte:
Opencommunity.cl