Chegando o próximo lanzamento do que será Joomla! 1.5 estase a procurar que os deseñadores comecen a crear modelos (templates) para esta nova versión. O feito de que esta nova versión manteña a compatibilidade cara atrás fai que moitos deseñadores permanezan estancados facendo traballos para a versión 1.0 e desaproveiten as posibilidades que oferta a nova versión. Para motivar a aparición de novos deseños para a versión 1.5 anúnciase o concurso “Joomla! 1.5 Template Contest”.
Os cinco finalistas obterán diversos premio (bolsas para portátiles, camisetas, lapis USB, …) e o gañador terá a maiores o seu modelo incluído dentro do núcleo de Joomla 1.5 como terceiro modelo.
As regras do concurso obrigan a facer uso das novas características tendo que facer un deseño accesible e baixo licenza GPL.
- Os paquetes Template deben ser instalables polo instalador de extensión de Joomla! 1.5
- Todos os ficheiros do modelo deber estar baixo licenza GNU/GPLv2
- Os modelos deben ser orixinais e traballar nativamente en J! 1.5, non se pode facer uso do Modo Herdanza (Legacy Mode) para o seu funcionamento.
- Os modelos deben facer uso dos contidos de exemplo incluídos en Joomla! sen poder facer uso de módulos/contidos adicionais.
- Os modelos deben facer uso de parámetros (polo menos un)
- Debe validar XHTML 1.0 e CSS
- A aparencia ten que ser similar para os navegadores Internet Explorer 6+, FireFox, Safari e Opera.
- …
» Máis información sobre as bases do concurso.
