Sen respaldo de ningunha empresa, simplemente por contribuír, un programador francés deseñou drivers para varios chipsets para GNU/Linux e que son usados por 235 webcams, o que permite usar estas webcams en GNU/Linux.
Michel Xhaard é un programador afeccionado. A súa profesión é a medicina, aínda que a súa gran contribución ao Software Libre fai que se lle coñeza antes polos seus logros como programador que como médico, e é que coa súa contribución agora pódense usar 235 webcams máis en GNU/Linux…
Nunha entrevista concedida a The Inquirer, explica que comezou o proxecto cando no nadal do 2003 regaloulles unhas webcams ás súas fillas e viñan sen soporte para GNU/Linux.
