O Día Mundial do Software Libre ou Día Mundial da Liberdade do Software é un evento que se impulsou no ano 2004 e celebrouse por primeira vez o 28 de agosto dese ano, para logo fixarse no terceiro sábado de setembro.
O propósito principal deste día non é simplemente dar a coñecer as vantaxes do software libre e os programas deste tipo máis utilizados. Tamén, os equipos que o impulsaron, desexan que, a partir das charlas educativas que teñen lugar ese día, se promova o uso destas ferramentas para o beneficio da sociedade en xeral.
