As comunidades participantes teñen por obxectivo gañar independenza respecto aos subministradores de servizos e produtos tecnolóxicos a través do desenvolvemento mediante a colaboración de aplicación e webs para o uso da administración e dos propios cidadáns.
Outros beneficios previstos son a creación de aplicacións que dean mellor resposta ás necesidades dos usuarios a través de webs colaborativas xestionadas pola administración, asociacións e empresas así coma mellorar a eficiencia tecnolóxica a través do uso de ferramentas exentas do pago de licenza e asegurar o acceso aos datos.
Algún dos froitos deste proxecto son a creación dun módulo para enviar documentos administrativos a través de internet, un directorio empresarial e unha serie de webs comunitarias. Na actualidade trabállase no desenvolvemento dun módulo de certificación a través do DNI e un xestor de documentación.
