A multinacional Intel e a Junta de Andalucía veñen de firmar un convenio de colaboración para promocionar a sociedade da información en Andalucía. A través del desenvolveranse actuacións conxuntas en materia de Tecnoloxía da Información e as Comunicacións (TIC), entre as que se atopan dar soporte ás distribucións Linux. …
Intel aportará a súa experiencia en integración de solucións, análise e optimización do rendemento, metodoloxías, procedementos e ferramentas de validación, ao tempo que colaborará coa Consejería de Innovación, Ciencia e Empresa na execución de novas implantacións e migracións de Linux, e na definición dun proceso de certificación e validación co fin de previr calquera incidencia na implantación de novas versións de Guadalinex.
O convenio recolle, ademais da área soporte ás distribucións Linux, outras catro áreas de actuación como son: Desenvolvemento da Sociedade da Información; Fomento das Cidades Dixitais; Innovación no Ámbito Educativo; Innovación no Ámbito Sanitario.
