Mancomun.org, Iniciativa Galega polo Software Libre, participará na OpenOffice.org Conference que terá lugar en Barcelona do día 19 ao 21 de setembro. Neste gran evento Mancomun.org exporá a súa experiencia coa coordinación da tradución de OpenOffice.org o día 21. Máis de 25.000 persoas accederon a este conxunto de aplicacións ofimáticas con interface en galego a través dos CD repartidos pola Dirección Xeral de Promoción Industrial e Sociedade da Información ou a través das descargas do portal. OpenOffice.org pola súa versatilidade e adaptabilidade amosouse desde a creación de Mancomun.org como unha excelente iniciativa para promover o Software Libre e achegar o galego aos computadores. Os voluntarios de Mancomun.org puideron colaborar na adaptación ao galego da versión 2.2 a través da ferramenta de tradución colaborativa Entrans. Mancomun.org é cocoordinador oficial da comunidade galega de OpenOffice.org.
