Agasol organiza unha nova xornada de difusión de solucións TIC libres para empresas baixo o nome de Xornada para a Xestión integral de empresas.
Nesta ocasión, celebrarase na sede da Confederación de Empresarios de A Coruña, o vindeiro martes 30 de xuño de 10:00 a 14:00 horas.
Como o propio nome indica, esta xornada ten como obxectivo achegar solucións de xestión empresarial baseadas en software libre ao público asistente, a fin de que coñezan ferramentas que lles axuden a mellorar na súa xestión, a vender máis, a ser máis competitivos e incrementar a súa produtividade. Presentaranse solucións de e-commerce, mercadotecnia na rede, deseño web, xestión documental na nube e xestión integral de empresas, fancendo énfase na utilidade das solucións e na presentación de casos de empresas que actualmente fan uso das mesmas.
Catro empresas socias de Agasol, Queres, Anubía, Egalcom e Abertal, serán as encargadas de presentar sendas solucións, cada unha dirixida a mellor nun ámbito concreto da empresa. Así presentaranse:
- Solucións ecommerce e soporte á infraestrutura informática.
- Deseño web e Mercadotecnia On line
- Xestión documental na nube especificamente creada para as PeMEs
- Xestión integral de empresas co ERP Odoo
Para cada unha das solucións presentadas contarase:
- Que é?
- Características da solución proposta.
- Beneficios da súa implantación na empresa.
- Un exemplo ou caso de éxito.
Dende Agasol animan a xerentes, mandos intermedios e persoal técnico das empresas galegas a achegarse a esta xornada e descubrir como tirar proveito das TIC converténdoas nas mellores aliadas das súas empresas para facelas máis competitivas, produtivas e preparadas para afrontar os retos futuros.
A asistencia a esta xornada é gratuíta, previa inscrición no correspondente formulario. Celebrarase na sede da CEC, sita na Praza de Luis Seoane Torre 1 Entreplanta, A Coruña.
