Visto en Agnix.org:
“A Fundación Wikimedia, que está detrás da coñecida Wikipedia, está en pleno proceso de migración dos seus servidores a Ubuntu, a popular distribución de GNU/Linux. A idea é simplificar a administración dos seus 400 servidores. Este proxecto volve demostrar a capacidade deste sistema operativo para grandes implantacións de servidores: non en balde o conxunto de sitios web de Wikimedia xera miles de millóns de páxinas ao mes.”
Aínda que o proxecto máis coñecido de Wikimedia Foundation é a Wikipedia, tamén dispón doutras fontes de visitas como Wikisource, Wikiquote, ou Wikinews, e todas elas reciben 10.000 millóns de visitas ao mes, unha cifra realmente mareante. Isto fai que nos picos de máximo tráfico esta organización reciba 50.000 peticións HTTP por segundo…
