A Oficina de Software Libre da USC liberou hoxe dous complementos para o aplicativo Fantasdic que permiten o acceso directo aos servizos web do Corpus de Mancomún e de Open-Tran.eu, posibilitando, mediante unha consulta, obter as traducións dos aplicativos libres máis importantes, tales como OpenOffice.org, Firefox, Gnome, KDE…
Estes complementos resultan de especial interese para os tradutores, formadores, desenvolvedores e investigadores lingüisticos, ao fornecer unha vía sinxela e rápida para a consulta destes servizos. Pola nosa parte, dámoslle a benvida a unha ferramenta que pode axudar na optimización da calidade das traducións realizadas, así como aumentar a consistencia léxica no software de fontes abertas.
Fantasdic é un aplicativo lexicográfico que fai posíbel a busca de palabras nunha gran variedade de dicionarios electrónicos. Este aplicativo libre foi desenvolvido inicialmente para o contorno de escritorio GNOME pero é compatíbel con outras plataformas.
Pódese obter máis información sobre a instalación en Complementos para o Fantasdic.
Fonte: OSLUSC
