A OSL da UDC crea un novo repositorio de aplicativos libres

A Oficina de Software Libre da Universidade da Coruña ofrece desde esta semana, a través da súa web, un completo directorio de ferramentas informáticas de software libre e preferentemente de carácter multiplataforma.

Esta iniciativa, que forma parte dos labores divulgativos e formativos sobre o software libre encomendados a esta Oficina, porá a disposición de todas as persoas usuarias da rede máis de 70 aplicativos clasificados en distintas categorías segundo as súas funcionalidades.

Este novo repositorio súmase, así, aos xa ofertados por Mancomún -a través do DVD ferramentas informáticas para a PEME– ou por Galicia PMS. No entanto, fronte ao enfoque empresarial dos outros dous directorios, a compilación da OSL da UDC ofrecerá agora unha alternativa moito máis versátil con aplicativos que van desde a edición ou reprodución multimedia ata ferramentas útiles para un manexo básico do computador (compresión, seguridade…) ou mesmo para cálculos científicos.
Deste xeito, o repositorio distingue cinco categorías: internet, oficina, utilidades, multimedia e científico, subdivididas á súa vez en distintas clases referidas a aplicativos máis concretos. Cada un dos aplicativos para a descarga van acompañados dunha breve descrición explicativa, orientando perfectamente ao usuario na súa busca.

Os programas incluídos caracterízanse pola súa facilidade de instalación e uso. Ademais ofrécese tamén a posibilidade de realizar, na meirande parte dos casos, as descargas para diversos sistemas operativos.

Recollemos, a continuación, a lista completa dos aplicativos dispoñíbeis:

1. Internet
• navegores web
  • Mozilla Firefox
  • Konqueror
  • Amaya
• lectores rss
  • Akregator
  • RSSOwl
• editores html
  • Kompozer
  • Amaya
• ftp
  • FileZilla
• p2p
  • aMule
  • LimeWire
  • Vuze (antes Azureus)
• Outros
  • Putty (cliente SSH, Telnet, rlogin e TCP raw)
  • Wireshark (analizador de protocolos)
• Chat
  • ChatZilla
  • KVIrc
  • X-Chat
• Clientes correo electrónico
  • Mozilla Thunderbird
• Mensaxería instantánea
  • Pidgin
  • aMSN
  • emesene
2. Oficina
• procesador de texto
  • OpenOffice.org Writer
  • AbiWord
  • Kile
• folla de cálculo
  • Gnumeric
  • OpenOffice.org Calc
• presentacións
  • OpenOffice.org Impress
• visor pdf
  • KPDF
  • Okular
• Bases de datos
  • OpenOffice.org Base
  • GCstar
• Maquetación
  • Scribus (aplicativo de maquetación e creación de PDF interactivos)
• Suites
  • OpenOffice.org (suite ofimática)
  • GNOME Office (suite ofimática)
  • SeaMonkey (suite de Internet)
• axenda
  • Mozilla Sunbird
  • KOrganizer
3. Utilidades
• Editor de texto
  • Emacs
  • Jedit
  • SciTE
  • Kile
• Seguridade
  • ClamAV (antivirus: ClamWin en Windows e ClamXaw en Mac)
  • PhotoRec (recuperación de datos)
• Visor de imaxes
  • Gwenview
  • F-Spot
• Editores de imaxes
  • GIMP (editor de fotos)
  • OpenOffice.org Draw (editor de imaxes vectoriais)
  • Inkscape (editor de imaxes vectoriais)
• Compresión
  • 7-zip
  • Ark
• Idiomas
  • OmegaT (ferramenta de tradución)
  • StarDict (dicionario interactivo con múltiples idiomas)
4. Multimedia
• Reprodutor de son
  • Songbird
  • aTunes
• Editor de son
  • Audacity
• Reprodutor de vídeo
  • VLC Media Player
  • Xine
  • MPlayer
• Editor de vídeo
  • Avidemux
• Televisión
  • Miro (televisión por Internet)
• 3D
  • Blender
5. Científico
• Matemáticas
  • OpenOffice.org Math (Fórmulas matemáticas)
  • Gnuplot (Gráficas de funcións e datos)
  • Scilab (Cálculo científico)
  • Máxima (Cálculo simbólico)
  • GNU Octave (Cálculo numérico)
  • R (Contorno matemático)
• Programación
  • NetBeans (Contorno de desenvolvemento)
  • Eclipse (Contorno de desenvolvemento)
  • ArgoUML (Diagramas de UML)
• Proxecto
  • GanttProyect (xestor de proxectos)
  • Día (creación de diagramas)

Fonte: OSL da UDC