A OSL da USC gaña o premio EGANET 2009 na categoría Software Libre

Onte á noite, celebrouse no Auditorio de Galicia en Santiago de Compostela, o acto de entrega dos premios EGANET que, como cada ano, recoñecen o labor de profesionais e empresas galegas que traballan con tesón no desenvolvemento do sector TIC en Galicia.

Nesta ocasión, o premio da categoría Software Libre, recaeu na Universidade de Santiago de Compostela pola Oficina de Software Libre da USC. Os nosos parabéns ao equipo da Oficina de Software Libre da USC por este merecido premio.

Esta oficina naceu no ano 2008 a través dun convenio firmado entre a Xunta de Galicia e as 3 universidades galegas co obxectivo de analizar, promover e implantar o software libre na comunidade universitaria.

O proxecto da OSL da Universidade de Santiago parte da elaboración dun completo e ambicioso plano de acción con diversas frontes e cunha gran actividade. Como mostra desta prolífica labor recollemos algunhas das novas sobre as actuacións da OSL USC nas distintas áreas:

• Tradución de software libre ao galego:
  • A Oficina de SwL da USC crea un equipo galego do proxecto Document Freedom Day
  • A Oficina de Software Libre da USC libera a tradución de VirtualBox
  • Nova versión do Mapa conceptual de software libre en galego
  • Publicada a tradución ao galego do texto legal das licenzas Creative Commons 3.0
• Desenvolvemento de software:
  • Distribución Ubuntu-USC
  • Complementos para o acceso directo ás traducións de software libre en galego
• Formación:
  • A OSLUSC imparte un curso sobre "Introdución a Ubuntu GNU/Linux"
  • A OSL da USC coorganiza un obradoiro de tradución de SwL
  • A OSLUSC inicia mañá o Fiadeiro de Localización cun gran éxito de asistencia
  • A OSLUSC organiza un curso sobre software libre vencellado á lingüística
  • A OSL da USC impartiu un curso sobre iTALC, ferramenta libre de xestión de aula
  • A Oficina de SwL da USC achega a suite ofimática OpenOffice.org ao persoal docente da universidade
  • A OSLUSC organiza o curso “A Revolución do Software Libre”
  • A Oficina de SwL da USC fai balance dos cursos da Universidade de Verán realizados
• Difusión, análise e asesoramento:
  • Primeiras Xornadas de Coñecemento Libre e Dereito nas TIC
  • Bota a andar a Oficina Móbil da OSL da Universidade da Coruña
  • Puntos de información nas facultades
  • A OSLUSC valora positivamente os resultados acadados coa primeira etapa dos PIF
• Plano piloto de migración a software libre:
  • A OSL da USC acolle o primeiro plan piloto de migración a software libre na universidade compostelá
  • Balance do 1º plan piloto de migración a GNU/Linux na USC
  • Migración da aula de docencia da Facultade de Dereito da USC a Linux

Os demais galardoados nesta VI edición dos premios EGANET nas outras categorías foron:

• Premio PUBLICIDADE ONLINE: LA NUESTRA COMUNICACIÓN PUBLICITARIA, pola nova edición da campaña Movemento contra a Lei de Murphy.
• Premio APLICACIÓN ON-LINE: IR INDO, polo dicionario en liña Digalego.
• Premio E-COMMERCE: BUENAS IDEAS EN ACCIÓN, pola web Planetapluton.com.
• Premio COMUNICACIÓN WEB: FAUSTO DESEÑO ASOCIADOS, polo “Universo Galimatías”.
• Premio CULTURA DIXITAL: CONTINENTAL PRODUCCIONES, por Evento Ligado á Extinción (ELE).
• Premio MELLOR AMBIENTE LABORAL: FACTORÍA DE SOFTWARE E MULTIMEDIA (IMAXIN SOFTWARE).
• Premio TECNOLOXÍA ACCESIBLE: NEO, por Bildo, a Comunicación Universal.
• Premio E-EMPREDEDORES: TEIMAS DESENVOLVEMENTO SL. (Tecnoloxías da Información MedioAmbientaiS)
• Premio Especial EGANET: PLATAFORMA VINDEIRA.

Fonte: Códigocero