Está a rematar o ano polo que estamos nunha época que adoita aproveitarse para facer balance. Se onte informábamos sobre a celebración da asemblea extraordinaria da asociación GPUL, hoxe é GALPon quen convoca aos seus socios a unha asemblea xeral ordinaria e outra extraordinaria e de paso tamén aproveitarán a ocasión para festexar o aniversario da asociación.
A asemblea xeral ordinaria celebrarase o sábado día 28 de novembro ás 17:00, na cafetería Medalla de Oro, sita na rúa López de Neira 5, en Vigo. Onde se abordará a seguinte orde do día:
-
Aprobación, se procede, da acta da reunión anterior
-
Examinar e aprobar a memoria de actividades
-
Examinar e aprobar as contas e balances do exercicio 2008
-
Aprobación do plan de actividade para 2009 – 2010
No mesmo lugar, pero ás 19:00 terá tamén lugar a asemblea extraordinaria que ten a seguinte orde do día:
-
Elección dos integrantes da xunta directiva
-
Ratificar a expulsión de asociados e asociadas a proposta da xunta directiva
Para ter dereito ao voto os socios asistentes deberan estar ao día no pago da cota anual. E para finalizar está xornada farase unha cea para festexar o aniversario da asociación.
