A prestixiosa consultora Forrester emitiu un informe no cal valora a situación de GNU/Linux no escritorio e as súas posibilidades no futuro na que o alto volume de peticións de clientes para instalar GNU/Linux nos seus escritorios indica que esta alternativa non vai desaparecer a curto prazo.
Espérase que Linux creza durante o ano que vén xa que os distribuidores están traballando duro para convertela nunha oferta de clase empresarial de primeiro nivel. O estudo de Forrester titulado How Windows Vista Will Shake Up The State Of The Enterprise Operating System. (Como Windows Vista cambiará de forma crítica o estado dos sistemas operativos na empresa) realizouse a 1001 persoas encargadas de toma de decisións en empresas norteamericanas e europeas.
Fonte: Eweek.com
