A Consellería de Innovación e Industria, convoca tamén unha orde de axudas para as empresas que realicen investimentos durante o ano 2009 en materia de tecnoloxías da información e comunicación. Poden optar a elas tanto empresas privadas como empresarios individuais con sede en Galiza.
Estabelecen catro liñas de actuación subvencionábeis:
- Infraestruturas internas das empresas
- Aplicacións informáticas nas empresas
- Apoio ao desenvolvemento do sector TIC
- Formación técnica e promoción do sector das TIC
Estas axudas, como as de anos anteriores, achegan un 10% máis de subvención para aqueles proxectos baseados en solucións de código aberto, polo que animamos ás empresas galegas de software libre a concorrer a elas.
O portal GaliciaPMS, na súa sección LaboratorioPMS, fixo un excelente resumo dos aspectos máis destacábeis das axudas con cumprida información sobre como facer a presentación.
