PortalProgramas abre o prazo de votación para a oitava edición dos Premios PortalProgramas ao Mellor Software Libre do ano.
Un ano máis, o obxectivo destes premios é recoñecer aos proxectos de software libre que máis teñen contribuído ao avance tecnolóxico durante o ano, como mostra de agradecemento aos esforzo e paixón da comunidade que hai detrás de cada proxecto de software libre.
Esta primeira fase, na que calquera usuario pode votar a un dos candidatos por cada unha das categorías, estará aberta dende o 4 ata o 24 de outubro, e non é preciso rexistrarse para poder votar.
As diferentes categorías nas que se pode votar son as seguintes:
- Mellor blogue de software libre
- Máis revolucionario
- Maior potencial de crecimento
- Esencial para empresas
- Esencial para a comunicación
- Mellor software libre para móbil
Posteriormente, a partir do 28 de outubro e ata o 11 de novembro estará aberta a seguinte fase de votación, na que emitirán o seu voto os membros dun xurado, que estará composto por:
- Noel Rodriguez Freire – Presidente da Asociación Educativa LiGNUx
- David Santo Orcero – Doutor Enxeñeiro en Informática e Enxeñeiro en Organización Industrial.
- David Hine Gomez – Enxeñeiro en Ciencias da Computación.
Os gañadores, que se publicarán o 21 de novembro serán o resultado da suma dos votos do xurado xunto cos votos dos usuarios.
