Convocatoria de subvencións para empresas do sector TIC por un importe de 8 millóns de euros

Onte saíron publicadas no Diario Oficial de Galicia (DOG) dúas resolucións de axudas destinadas ao sector empresarial TIC aprobadas pola Secretaría Xeral de Modernización e Innovación Tecnolóxica por un importe de preto de 8 millóns de euros.

Estas dúas resolucións de axudas teñen como obxectivo fomentar o desenvolvemento do sector empresarial da sociedade de información e a empresa dixital en Galicia cunha dotación económica de 8 millóns de euros. Proximamente publicaranse tamén no DOG outras axudas destinadas ao fomento dos contidos dixitais e ás entidades sen ánimo de lucro para difusión e formación en materia de sociedade da información, por un importe total de dous millóns de euros.

A secretaria xeral de Modernización e Innovación Tecnolóxica, Mar Pereira, e o subdirector xeral de Desenvolvemento da Sociedade da Información, Cristóbal Varela, mantiveron a semana pasada unha xuntanza informativa cos representantes das empresas do sector para abordar polo miúdo o alcance destas convocatorias e atender as dúbidas que puideran presentarse.

Dada a importancia destas axudas para a promoción das TIC na sociedade galega, e en particular, do software libre e de fontes abertas, presentamos a continuación un resumo dos puntos máis relevantes para a súa solicitude.

Convocatoria para o desenvolvemento do sector empresarial da sociedade da información no ámbito da Comunidade Autónoma de Galicia para o ano 2010.

Obxecto:

Destinatarios:

Liñas de actuación subvencionables:

• Liña A: Capacidades TIC. Destinadas a que as empresas TIC poidan mellorar a súa capacidades para ofertar ao mercado mellores produtos e servizos.
  • Liña A1: Calidade. Apoio á certificación en normas de calidade especialmente vinculadas ao seu proceso de negocio.
  • Liña A2: Formación. Apoio para a asistencia do persoal propio a cursos de formación tecnolóxica especializada nos medios de produción e ferramentas necesarias para o desenvolvemento dos seus produtos e servizos.
• Liña B: Desenvolvementos TIC. Destinada a apoiar os desenvolvementos de novos produtos ou servizos das empresas TIC.
  • Liña B1: Desenvolvementos centrados en áreas tecnolóxicas. Estes desenvolvementos deberán incidir nalgunha destas áreas:
    • Converxencia e accesibilidade IP.
    • Mobilidade, localización e XIS.
    • Avance na TDT.
    • Eficiencia enerxética.
    • Fogar dixital.
    • Tecnoloxías RFID, transporte e sector marítimo.
  • Liña B2: Desenvolvementos centrados na cidadanía. Dirixidos á mellora dos servizos de interese xeral para a cidadanía. O usuario final pode ser directamente o cidadán ou entidades que pola súa vez presten servizo ao cidadán e se produza unha innovación manifesta na calidade dos servizos.
    • Servizos sociais e sanitarios. Teleasistencia, servizos e dispositivos de localización, …
    • Educación. Ferramentas de creación de contidos dixitais, plataformas de aprendizaxe en liña, control do alumnado na aula …
    • Outros ámbitos de servizos electrónicos de interese xeral non necesariamente vinculados á Administración.

Características da subvención:

• Orzamento total dispoñible: 2.550.000€

  • Liña A1 – Capacidades TIC. Calidade. – 300.000€
  • Liña A2 – Capacidades TIC. Formación. – 350.000€
  • Liña B1 – Desenvolvementos centrados en áreas tecnolóxicas. – 1.500.000€
  • Liña B2 – Desenvolvementos centrados na cidadanía. – 400.000€

• Importe máximo: 50% do custo total dos investimentos subvencionables. Ata un 10% adicional para solicitudes presentadas por medianas empresas e ata un 25% adicional para solicitudes presentadas por pequenas empresas e microempresas.

Convocatoria para proxectos de cooperación empresarial par ao fomento da empresa dixital, no ámbito da Comunidade Autónoma de Galicia para o ano 2010

Obxecto:

Destinatarios:

Liñas de actuación subvencionables:

• Liña A: Demanda empresarial de solucións TIC. Destinadas a que as empresas e as asociacións empresariais de calquera sector económico poidan identificar as tarefas, problemas e situación da súa actividade que necesitan novos produtos e servizos TIC.
  • Liña A1: Demanda en solucións TIC polas empresas. Solucións TIC que cubran necesidades específicas da empresa, aplicables ao seu funcionamento inter no ou ás súas relacións con terceiros, como poden ser: xestión da cadea de produción, xestión do servizo ou produto, rastrexabilidade, documentación electrónica, aprovisionamento, loxística, comercio electrónico ou teletraballo entre outras.
  • Liña A2: Demanda en solucións TIC polas asociacións empresariais. Solucións TIC que cubran necesidades específicas dunha asociación empresarial nos servizos que prestan aos seus asociados, como poden ser: validación de documentos, intermediación coas administracións ou outros colectivos, centrais de compras, plataformas de distribución, servizos de laboratorio ou análise, etc. Tamén terán cabida aquelas solucións sectoriais ou transversais que a asociación poida facilitar para o seu uso directo polos asociados que sexan pemes, micropemes ou autónomos e non teñan a capacidade de acometer por si mesmos.
• Liña B: Resposta tecnolóxica en solucións TIC. Destinada para que as empresas TIC poidan desenvolver novos produtos ou servizos TIC que dean solución a problemas e situación concretas de actividade empresarial da entidade líder do proxecto de cooperación.
  • Liña B1: Resposta tecnolóxica en solucións TIC para empresas. Resposta tecnolóxica en cooperación cos líderes dos proxectos da liña A1.
  • Liña B2: Resposta tecnolóxica en solucións TIC para asociación empresariais. Resposta tecnolóxica en cooperación cos líderes dos proxectos da liña A2.

Características da subvención:

• Orzamento total dispoñible: 5.375.748€
  • Liña A1 – 900.000€
  • Liña A2 – 2.907.784€
  • Liña B1 – 681.341€
  • Liña B2 – 886.623€

• Importe máximo: 50% do custo total dos investimentos subvencionables. Ata un 10% adicional para solicitudes presentadas por medianas empresas, ata un 25% adicional para solicitudes presentadas por pequenas empresas e microempresas e ata un 30% adicional para as solicitudes presentados por asociación empresariais.

Criterios de valoración:

Os criterios xerais de valoración aplicables ás solicitudes recibidas son os comúns para ambos tipos de axudas.

• Concepción do proxecto: de 0 a 25 puntos
• Adecuación dos investimentos e capacidade económica: de 0 a 20 puntos
• Calidade na execución e no control: de 0 a 20 puntos
• Proxectos estratéxicos, innovadores e de referencia: de 0 a 15 puntos
• Visibilidade pública da capacidade técnica do solicitante: de 0 a 15 puntos
• Capacidade técnica acreditada na presentación: de 0 a 15 puntos

Adicionalmente, considerarase o impulso do software libre e de fontes abertas así como ao emprego da lingua galega na execución das actividades, mediante os criterios seguintes, que serán aplicados en porcentaxe sobre a valoración acadada nos puntos anteriores:

• Impulso do FLOSS. Ata un 15% adicional.
  • Nivel de uso de ferramentas FLOSS para a execución do proxecto
  • Desenvolvemento e xeración de resultados FLOSS e con estándares abertos, con identificación inequívoca dos resultados e as licenzas ás que quedarán suxeitos.
  • Identificación da publicación dos resultados na web do solicitante ou en repositorios públicos de FLOSS.
• Emprego da lingua galega na realización das actividades. Ata un 15% adicional. Compromiso de carácter voluntario de emprego do idioma galego cando menos nos seguintes elementos:
  • Na memoria técnica da solicitude.
  • Nas referencias en materia de publicidade que faga o beneficiario sobre o financiamento con fondos públicos.
  • Memoria pública do proxecto baixo licenza Creative Commons dispoñible na web do beneficiario en expedientes con axuda superior a 50.000€.

O prazo de presentación de solicitudes para ambas subvencións é ata o 29 de maio de 2010, inclusive. Para obter unha información completa sobre a forma de presentación destas axudas, prazos de concesión, forma de adxudicación, gastos subvencionables, xustificación posterior… é imprescindible a lectura completa das correspondentes base reguladoras publicadas no DOG e dispoñibles tamén no portal imit.xunta.es

A SXMIT prové ademais as seguintes canles de comunicación para a resolución de dúbidas ou para obter información adicional relativa a estas axudas:

• Teléfono da SXMIT: 981 54 55 83
• Enderezo electrónico sxmit.axudas en xunta.es
• Presencialmente nas dependencias da SXMIT

Fonte: Xunta de Galicia