GALPon infórmanos que un ano máis vai impartir na Universidade de Vigo un Curso de Iniciación ao software libre e GNU/Linux dentro dos cursos ofertados pola Vicerreitoría de Extensión Universitaria e Estudantes.
Neste curso farase unha introdución ao emprego de software libre e GNU/Linux percorrendo temas como o uso básico de aplicativos como a suite ofimática OpenOffice, Firefox, correo Thunderbird, mensaxería instantánea e software de edición de imaxes e vídeo.
O curso está aberto ao público en xeral e terá unha duración de 30 horas, distribuídas os mércores dende o vindeiro día 23 de febreiro ata o día 3 de maio, ambos inclusive. O curso impartirase en horario de 15:00 a 18:00 na Aula Informática 105 do edificio novo da E.T.S.E. Telecomunicacións.
O prazo de matrícula está aberto dende onte, 7 de febreiro, ata o vindeiro día 18 febreiro.
O temario completo do curso é o seguinte:
Tema 1: Introdución (3 horas)
- Introdución ao Software Libre. Conceptos básicos.
- Arranque dende CD de Linux: Ubuntu, KUbuntu
Tema 2: Contornos de traballo de escritorio (3 horas)
- Introdución
- Contorno de traballo GNOME.
- Contorno de traballo KDE.
- Outros contornos.
Tema 3: Ferramentas para o uso da Internet (6 horas)
- Importancia da Internet para o Software Libre
- Navegadores.
- Mozilla Firefox / Iceweasel
- Konqueror.
- Outros navegadores. (pequena revisión)
- Kazehakase (Gecko + Webkit).
- Midori (Webkit).
- Arora (webkit).
- Pequena descrición de navegadores moi lixeiros (Linx, Dillo, etc…)
- Correo electrónico e administradores de información persoal
- Evolutión.
- Kontact.
- Mozilla Thunderbird.
- Sylpheed – Claws-mail
- Axendas, guías de contactos, calendarios,…
- Scrapbook, a ferramenta do investigador en liña.
- Programas de mensaxería instantánea, chat e VoIP
- XChat.
- Empathy
- Pidgin/gaim.
- Kopete.
- AMSN / emesene.
- Ekiga
Tema 4: Ferramentas de ofimática (15 horas)
- Suite ofimática: LibreOffice/OpenOffice (procesador de texto, folla de cálculo, presentacións)
- Introdución ao procesador de textos .
- Edición básica.
- Dar formato ao texto.
- Impresión.
- Táboas.
- Estilos. Modelos.
- Imaxes e gráficos.
- Introdución á folla de cálculo.
- Traballando con celas.
- O formato.
- Funcións.
- Gráficos.
- As presentacións en LibreOffice/OpenOffice.org.
- Traballar con diapositivas.
- Traballar con obxectos.
- Introdución ao procesador de textos .
- Utilidades ofimáticas complementarias: Visores de ficheiros PDF
- Utilidades multimedia: gravación CD-DVD, reprodutores multimedia
- Arte e deseño dixital: Gimp (retoque fotográfico), Inkscape (debuxo vectorial)
- Edición de vídeo: OpenShot e PiTiVi
Tema 5: Distribucións, instalación e configuración (3 horas)
- Introdución ao concepto de distribución
- Recompilando información sobre o noso equipo
- Instalación e configuración. Exemplo: Ubuntu e KUbuntu
- Ferramentas de configuración
- Creación de usuarios e cambio de chaves
- Instalación de novos aplicativos
- Alternativas e correspondencias de aplicativos ao Sw. privativo.
As persoas interesadas en asistir ao curso poden consultar a información de matrícula na web da Universidade.
Fonte: GALPon
