A Aula TIC Pemes da USC oferta un curso de formación en liña de 100 horas de duración sobre Xestión de relacións cos clientes e xestión de tendas virtuais que se impartirá a partir do 15 de xaneiro de 2013, e que xa ten o prazo de inscrición aberto.
O obxectivo do curso é capacitar ao alumnado para sacar o máximo rendemento da súa empresa a través da xestión da trazabilidade, dende o control interno dos clientes ata a administración da súa propia tenda virtual. Para isto empregaranse as ferramentas Vtiger CRM, para a xestión de relacións co cliente, e Prestashop para a xestión das tendas virtuais. Ambas ferramentas distribúense con licenza libre.
Vtiger CRM é un completo xestor de relacións cos clientes que permite que os equipos de ventas, asistencia técnica e marketing poidan organizarse e colaborar para mellorar considerablemente as experiencias dos clientes así como as ventas. Ademais inclúe ferramentas de correo electrónico, inventario, xestión de proxectos, … o que o convirte nunha completa suite para a xestión do negocio.
Distribúese con licenza libre, e está dispoñible para a súa descarga e instalación gratuíta, ou tamén pode accederse a unha versión de proba nos servizos na nube durante 15 días.
A través deste curso realizarase unha introdución ao uso deste xestor, o que permitirá coñecer as súas posibilidades e utilidade para a empresa.
Prestashop é unha solución libre de comercio electrónico. A instalación e posta en funcionamento está pensada para que a pequena e mediana empresa, sen grandes coñecementos técnicos de programación, poida instalar unha tenda web desde o principio e comezar a operar en prazos de tempo reducidos. Prestashop destaca fronte a outras solucións de comercio electrónico pola súa experiencia de usuario sinxela e a facilidade de uso. Está recomendada para tendas que non requiran de funcionalidades demasiado específicas ou avanzadas.
A través deste curso realizarase unha introdución ao uso desta ferramenta permitindo coñecer as súas funcionalidades e as posibilidades que ofrecer á empresa.
O curso será impartido baixo unha metodoloxía totalmente en liña e terá unha duración de 100 horas. Ao remate do curso, emitirase un certificado acreditativo da aula TIC Peme da USC aos participantes.
O prezo de curso é de 200€. O prazo de inscrición está aberto.
Todos os interesados deben poñerse en contacto coa aula TIC Pemes da USC a través do enderezo atpemes@usc.es ou ben a través do teléfono de contacto 982 285 900 Ext: 24483
