PostgreSQL acaba de anunciar recentemente o lanzamento de PostgreSQL 8.4. Segundo o Grupo Global de Desenvolvemento de PostgreSQL, esta é a versión máis sinxela de usar ata o momento.
Este sistema xestor de bases de datos relacionais orientado a obxectos, atópase liberado baixo unha licenza BSD e, despois de 16 meses de desenvolvemento, presenta 293 características novas ou melloradas.
As características máis relevantes desta nova versión son:
-
Permisos de usuario por columna.
-
Novas ferramentas de monitorización de consultas para administradores.
-
Capacidade de colación por base de datos, útil en contornos multilingües.
-
Reduciuse a carga de VACUUM grazas ao Visibility Map.
-
pg-migrator permite actualizacións dende PostgreSQL 8.3 cun tempo de parada mínimo.
-
Aumenta a velocidade de recuperación de copias de seguridade ata oito veces, grazas ao sistema de recuperación en paralelo.
-
Melloras en procedementos almacenados, por exemplo permite empregar valores por omisión na declaración de parámetros ou listas de argumentos de longo variábel, coma e C++ ou Java.
Esta nova versión de PostgreSQL tamén engade compatibilidade para algunhas características avanzadas do estándar ANSI SQL2003 que permiten mellorar a fluidez da linguaxe SQL e deste xeito permitir a realización de consultas que en versión anteriores no serían posíbeis, coma por exemplo as consultas recursivas, expresións comúns para táboas, etc.
