Como xa comentamos no seu día, o Instituto Blender desenvolveu un completo xogo en 3D co nome de Yo Frankie! ou proxecto Apricot. Ao igual que os anteriores proxectos do Instituto, as películas Orange e Peach, este xogo e todos os seus ficheiros de produción libéranse baixo licenza Creative Commons.
O prezo do DVD son 34€ e pódese encargar dende a tenda do proxecto . Con isto axúdase a financiar proxectos deste tipo. No DVD atoparase:
- O xogo completo co Blender Game Engine para executarse en Linux, Windows e OS X.
- Un nivel completo do Crystal Space, con instalador para Linux, Windows e OS X.
-
Todos os ficheiros .blend; os modelos, texturas, clips de son, fontes do xogo … é dicir todo o material empregado para crear o xogo.
- Documentación e vídeo titoriais creados polos membros do equipo sobre os aspectos técnicos do xogo.
Fonte: Proxecto Apricot
