O primeiro móbil con Android (sistema operativo libre baseado en GNU/Linux), o software desenvolvido entre Google e outras firmas para facilitar o acceso móbil á rede, chamarase Dream e será fabricado por HTC, aseguran varios medios de EE UU en internet. Segundo estas versións, que citan a fontes próximas á produción do teléfono, Dream terá unha gran pantalla táctil similar á do iPhone de Apple pero tamén disporá dun teclado completo debaixo da pantalla. O teléfono medirá trece centímetros de longo e oito de ancho e chegará ás tendas a finais deste ano.
Google lanzou a plataforma Android o pasado mes de novembro en colaboración cun total de 34 empresas unidas nunha alianza chamada Open Handset. Entre elas figuran Samsung, HTC, LG e Motorola, catro dos principais fabricantes de teléfonos móbiles do sector, e varias grandes operadoras como Telefónica. Basicamente, este software permitirá aos usuarios acceder á rede e aos servizos de Google -o seu buscador, Google Maps, ou o correo electrónico Gmail, entre outros-, desde calquera teléfono móbil con conexión a internet e sen necesidade de estar fronte ao computador.
Fonte: lne.es
