DSPAM é un filtro antispam adaptativo e intelixente, é dicir, que é capaz de aprender o que é [[spam]] ou non con base no que os propios usuarios decidan. DSPAM é rápido e moi potente, e pode procesar cantidades inxentes de correo e contas de correo. Ademais, segundo os seus desenvolvedores, ten unha eficacia dun 99,95%, ou o que é o mesmo, ten un só erro de cada 2000 correos procesados. Como anécdota, indicar que o nivel máis alto de eficacia informado por un usuario foi de só 2 erros no procesamento de 22786 correos-e, o que deita unha eficacia do 99,987%.
O método de traballo de DSPAM é distinto ao doutros filtros antispam, como SpamAssassin, xa que non traballa contra unhas listas de “regras” para identificar o SPAM. O motor probabilístico de DSPAM examina o contido de cada mensaxe e aprende que tipo de contido identifica o propio usuario como spam (ou non spam).
DSPAM tamén posúe unha interface web desde a que poder administrar e configurar todo o aplicativo, ademais de poder ver estatísticas de uso do sistema, de usuarios, etc…
Máis información na páxina do proxecto:
http://dspam.nuclearelephant.com/
