PortalProgramas organiza a 2ª edición dos Premios PortalProgramas 2010, que queren recoñecer aos proxectos de software libre que teñen amosado maior calidade, innovación e rendemento durante o ano 2010.
En palabras do responsable de contidos do portal, Francisco Baña, “ O mundo do software libre é moi grande e é o momento de coñecer e recoñecer o mérito de tantos proxectos de software libre que empregamos decote e moitas veces sen sabelo”.
Este ano, por petición popular dáselle á posibilidade a todos os usuarios de nominar calquera proxecto libre que consideren merecedores deste premio. Poden ser programas para calquera plataforma (Windows, Linux, Mac…) coa única condición de teñan cando menos unha versión beta publicada.
Doaranse máis de 1000€ aos programas libres que sexan escollidos entre todos para premiar o esforzo, adicación e talento da súa comunidade de desenvolvedores.
Hai 4 categorías de premios: Mellor software libre, Software libre máis revolucionario, Software libre que necesita máis doacións, Mellor xogo libre. O gañador de cada categoría recibirá unha doación en nome de todos os usuarios que participen.
Esta semana comezou a fase de nominación dos programas e estarán abertas ata o vindeiro 15 de novembro, cando comezará a fase de votacións segundo o seguinte calendario.
Motivación do premio
Detrás de cada proxecto hai un grupo de persoas que lle adican o seu tempo, coñecemento e recursos ao seu desenvolvemento. Grazas a isto millóns de usuarios dispoñemos de software útil, de calidade e seguro. Este premio pretende agradecer este esforzo e fomentar o desenvolvemento deste tipo de software.
Ademais do premio en metálico aos gañadores, todos os proxectos participantes serán promocionados achegándose así a moitos usuarios para os que eran descoñecidos.
Fonte: PortalProgramas
