Elisa, o centro multimedia do cal xa deu conta Mancomún en repetidas ocasións, afronta unha nova etapa despois de ser remodelado e renomeado como Moovida.
Moovida seguirá sendo un centro multimedia de código aberto multiplataforma -operábel en Windows e Linux-, pero agora conta cunha interface renovada, que se afasta do estilo de Apple Front Row que tiña na súa versión orixinal, adoptando unha estética máis profesional e pulcra.
Outras características novidosas son a implementación dun plugin para Yes.fm que autocompleta a bliblioteca de medios e ata ofrece a posibilidade de despregar fan art (galerías de imaxes en liña) para os distintos ficheiros.
En definitiva, Moovida seguirá sendo un opción idónea para administrar as nosas cancións, películas e fotos locais, ademais dun bo navegador para este tipo de contidos en liña.
Fonte: Bitelia
