O despacho “Sánchez-Crespo Abogados e Consultores” publicou unha nova versión do seu estudo sobre a validez xurídica da licenza GPL no marco normativo dos dereitos de autor en España. Está dispoñíbel para a súa descarga gratuíta desde a seguinte ligazón:EstudioGPLv3.pdf.O despacho de avogados xa realizara no 2006 unha primeira versión sobre a GPL v2 que actualizaron posteriormente en decembro dese mesmo ano con motivo das modificacións introducidas na Lei de propiedade intelectual española.
Xunto co estudo sobre a GPL v3, nesta ocasión, tamén inclúen un resumo doutro tipo de licenzas open source (como a MPL, OpenBravo license, Apache, BSD, …) para que poidan verse as diferenzas e similitudes entre todas e ver as compatibilidades e incompatibilidades…
Outras ligazóns de interese:
Descarga das traducións ao galego das licenzas GPL v2 e GPL v3 desde o Wiki de Mancomún:
http://wiki.mancomun.org/index.php/GPL
